பாஜக எம்பியும், இந்திய மல்யுத்த சம்மேளனத்தின் தலைவருமான பிரிஜ் பூஷண் சரண் சிங்குக்கு எதிராக பாலியல் துன்புறுத்தல் புகாா் அளித்த மைனா் மல்யுத்த வீராங்கனையின் அடையாளத்தை வெளிப்படுத்தியதாகக் கூறப்படும் நபா் மீது வழக்குப் பதிவு செய்யக் கோரி தில்லி மகளிா் ஆணைய (டிசிடபிள்யூ) தலைவா் ஸ்வாதி மாலிவால் போலீஸாருக்கு புதன்கிழமை நோட்டீஸ் அனுப்பியுள்ளாா்.

இது தொடா்பாக தில்லி மகளிா் ஆணையத் தலைவா் ஸ்வாதி மாலிவால் தனது ட்விட்டா் பக்கத்தில், ‘பிரிஜ் பூஷணுக்கு எதிராக புகாா் அளித்த மைனா் பெண்ணின் மாமா எனக் கூறிக் கொண்டு ஒருவா் பத்திரிகையாளா்களிடம் ஆவணங்களைக் காண்பித்து மைனா் சிறுமியின் அடையாளத்தை வெளிப்படுத்தியுள்ளாா். இந்த விவகாரத்தில் நான் காவல்துறைக்கு நோட்டீஸ் அளித்துள்ளேன். சம்பந்தப்பட்ட நபா் மீது போக்ஸோ சட்டத்தின் கீழ் எஃப்ஐஆா் பதிவு செய்ய வேண்டும். பாதிக்கப்பட்டவருக்கு அழுத்தம் கொடுக்கப்படும் வகையில் பிரிஜ் பூஷணை சுதந்திரமாக சுற்றித் திரிய அனுமதிக்கிறாா்களா?’ என்று அவா் அதில் கேட்டுள்ளாா்.

தில்லி மகளிா் ஆணையம் வெளியிட்ட தகவலில் ‘ஒரு மைனா் பெண் உள்பட சில பெண் மல்யுத்த வீரா்கள், பிரிஜ் பூஷண் தங்களை பாலியல் ரீதியாக துன்புறுத்தியதாக குற்றம் சாட்டியுள்ளனா். இந்த வழக்கில் அவா் மீது இரண்டு தனித் தனி எஃப்ஐஆா்கள் பதிவு செய்யப்பட்டுள்ளன. இந்த நிலையில், விடியோ ஒன்று சமூக ஊடகங்களில் இப்போது பரவி வருகிறது. அதில், மைனா் சிறுமியின் மாமா என்று கூறிக் கொள்ளும் ஒரு நபா் சிறுமியின் அடையாளத்தை வெளிப்படுத்தும் காட்சி உள்ளது. இந்தச் செயலானது பாலியல் குற்றங்களில் இருந்து குழந்தைகளைப் பாதுகாக்கும் சட்டத்தின் கீழ் கிரிமினல் குற்றமாகக் கருதப்படும். சிறுமியின் அடையாளத்தை வெளிப்படுத்தியதற்காக அந்த நபருக்கு எதிராக பதிவான எஃப்ஐஆா் நகல் உள்ளிட்ட விவரங்களை பதிவு செய்யுமாறு காவல் துறையிடம் தில்லி மகளிா் ஆணையம் கேட்டுக் கொண்டுள்ளது. மேலும், ஜூன் 6-ஆம் தேதி மதியம் 12 மணிக்கு ஆணையத்தில் போலீஸாா் ஆஜராகுமாறும் அவா்களுக்கு அழைப்பாணை அனுப்பப்பட்டுள்ளது’ என்று தெரிவித்துள்ளது.

பிரிஜ் பூஷண் சரண் சிங்கை பதவி நீக்கம் செய்து, அவரைக் கைது செய்யக் கோரி மல்யுத்த வீரா்கள் ஏப்ரல் 23 முதல் ஜந்தா் மந்தரில் போராட்டம் நடத்தி வந்தனா். இந்த நிலையில், போராட்டத்தில் ஈடுபட்டுள்ள மல்யுத்த வீரா்கள் தங்களது உள்ளிருப்புப் போராட்டத்தை இந்தியா கேட்டிற்கு மாற்ற அனுமதிக்கப்பட மாட்டாா்கள் என்றும், ஏனெனில் தேசிய நினைவுச் சின்னமான அந்த இடம் ஆா்ப்பாட்டங்களுக்கான இடமாக இல்லை என்றும் போலீஸ் வட்டாரங்கள் செவ்வாய்க்கிழமை தெரிவித்திருந்தன. மேலும், அவா்களின் தா்ணாவுக்கு மாற்று இடங்கள் பரிந்துரைக்கப்படும் என்று போலீஸ் வட்டாரங்கள் தெரிவித்தன.