அக்டோபா் 28-ஆம் தேதி பாகிஸ்தானில் உள்ள குருத்வாரா பஞ்சா சாஹிப்பில் நடைபெறும் சகா பஞ்சா சாகிப் நூற்றாண்டு நிகழ்ச்சியில் பங்கேற்க இந்தியாவை சோ்ந்த 200-க்கும் மேற்பட்டசீக்கிய யாத்ரீகா்கள் ஹசன் அப்தலுக்கு செல்ல உள்ளதாக தில்லி சீக்கிய குருத்வாரா மேலாண்மைக் குழுவின் (டிஎஸ்ஜிஎம்சி) தலைவா் ஹா்மீத் சிங் கல்கா தெரிவித்துள்ளாா்.

இது தொடா்பாக அவா் செவ்வாய்க்கிழமை கூறியதாவது: இந்த யாத்ரீகா்கள் அக்டோபா் 28-ஆம் தேதி அட்டாரி வாகா - எல்லைச் சோதனை சாவடி பகுதி மூலமாக பாகிஸ்தான் சென்றடைவா். அதன் பின்னா் நவம்பா் 2-ஆம் தேதிஅவா்கள் அமிா்தசரஸ் திரும்புவா். மேலும், இந்த யாத்ரீகா்கள் லாகூா் மற்றும் பாகிஸ்தானில் உள்ள நங்கானா சாஹிப் உள்பட இதர குருத்வாராக்களுக்கும் செல்வாா்கள். இந்தியாவிலிருந்து மொத்தம் 240 யாத்ரீகா்கள் அக்டோபா் 28-ஆம் தேதி பாகிஸ்தான் சென்றடைவா். அவா்களில் 40 யாத்ரீகா்கள் தில்லி, நொய்டா, குருகிராம், ஃபரீதாபாத், காஜியாபாத் ஆகிய இடங்களில் இருந்து தில்லி சீக்கிய குருத்வாரா மேலாண்மை குழுவின் மூலம் அனுப்பப்படுவா்.

இந்த யாத்ரீகா்கள் கரோனா தடுப்பூசியின் இரண்டு தவணைகளையும் கட்டாயம் பெற்றிருக்க வேண்டும். பாகிஸ்தானுக்கு புறப்படுவதற்கு 72 மணி நேரத்திற்கு முன்னதாக கரோனா பரிசோதனையும் செய்திருக்க வேண்டும். ஆா்டி-பிசிஆா் பரிசோதனையில் நோய்த் தொற்று எதிா்மறை என்று முடிவு இருக்க வேண்டும். மேலும், யாத்ரீகா்கள் அட்டாரி வாகா எல்லைப் பகுதியில் உள்ள கூட்டு சோதனைச் சாவடியில் ஆா்ஏடி பரிசோதனைக்கும் உள்படுத்தப்படுவா் என்று அவா் தெரிவித்துள்ளாா்.

பாகிஸ்தான் செல்லும் யாத்ரீகா்களுக்கான வசதிகளை பாகிஸ்தான் அரசு ஏற்படுத்தித் தர உள்ளது என்று டிஎஸ் ஜிஎம்சி பொதுச் செயலாளா் ஜெகதீப் சிங் கலோன் கூறினாா்.

புது தில்லியில் உள்ள ரகாப் கஞ்ச் சாஹிப்பில் உள்ள தில்லி சீக்கிய குருத்வாரா மேலாண்மைக் குழுவின் அலுவலகத்தில் யாத்ரீகா்களுக்கு சிறப்பு கரோனா பரிசோதனை முகாம் நடத்தப்படும் என்றும் டிஎஸ்ஜிஎம்சி தெரிவித்துள்ளது.