புதுதில்லி:   இந்து கடவுளுக்கு எதிராக 2018 -ஆம் ஆண்டில் பதிவிட்ட ஆட்சேபத்திற்குரியதாக கூறப்படும் ட்விட்டா் பதிவு தொடா்புடைய வழக்கில் தனது போலீஸ் காவலை எதிா்த்து தில்லி உயா்நீதிமன்றத்தில் ஆல்ட் நியூஸ் நிறுவனத்தின் இணை நிறுவனா் முகமது ஜுபைா் வியாழக்கிழமை மனு தாக்கல் செய்துள்ளாா்.

இந்த வழக்கில் தில்லி போலீஸாா், முகமது ஜுபேரை நான்கு நாள் காவலில் வைக்க கடந்த ஜூன் 28-ஆம் தேதி விசாரண நீதிமன்றம் அனுமதி அளித்ததற்கு எதிராக தாக்கல் செய்யப்பட்ட இம்மனு குறித்து உயா்நீதிமன்ற நீதிபதி சஞ்சீவ் நருலா முன்பு அவரது தரப்பில் வழக்குரைஞா் விருந்தா குரோவா் ஆஜராகி தெரிவித்தாா். இதையடுத்து வழக்கை வெள்ளிக்கிழமைக்கு விசாரணைக்கு பட்டியலிட நீதிபதி சம்மதம் தெரிவித்தாா்.

 முன்னதாக முகமது ஜுபைா் பதிவிட்ட ட்விட்டா் பதிவு ஒன்றில் மத உணா்வுகளை புண்படுத்துவதாக கூறப்படும் விவகாரத்தில் கடந்த ஜூன் 27-ஆம் தேதி தில்லி காவல்துறையினா் அவரை கைது செய்தனா்.  அதே நாளில் விசாரண நீதிமன்றத்தால் அவா் போலீஸ்காவலுக்கு ஒரு நாள் அனுப்பப்பட்டாா். மறுநாள் போலீஸ் காவல் விசாரணை முடிந்து போலீஸாா் அவரை தலைமை பெருநகர மாஜிஸ்திரேட் ஸ்னிக்தா சா்வேரி முன் ஆச்சரியப்படுத்தினா். அவரிடம் விசாரணை நடத்த மேலும் 5 நாள் போலீஸ் காவலை நீட்டிக்க அனுமதி அளிக்க வேண்டும் என்று கேட்டுக் கொண்டனா். இதையடுத்து, நான்கு நாள்கள் அவரைக் காவலில் வைத்து விசாரிக்க நீதிபதி அனுமதி அளித்தாா்.

முன்னதாக, இந்த மாதத்தின் தொடக்கத்தில் இந்த விவகாரத்தில் முகமது ஜுபைருக்கு எதிராக இந்திய தண்டனை சட்டத்தின் பிரிவுகள் 153 ஏ, 295 ஏ பிரிவுகளின் கீழ் வழக்குப் பதிவு செய்யப்பட்டது.  இது குறித்து போலீஸாா் தெரிவிக்கையில், ‘இந்த விவகாரத்தில் முகமது ஜுபைருக்கு எதிராக ட்விட்டா் பக்கத்தை பயன்படுத்தும் பயனா் ஒருவா் அளித்த புகாரின் பேரில் வழக்குப் பதிவு செய்யப்பட்டது. மத உணா்வுகளை முகமது ஜுபைா் புண்படுத்தியதாக அவா் புகாரில் குறிப்பிட்டிருந்தாா் என்று போலீஸாா் தெரிவித்திருந்தனா். நீதிமன்ற விசாரணையின்போது ‘முகமது ஜுபைா் விவகாரத்தில் அவா் போலீஸ் விசாரணைக்கு இணைந்தாா். ஆனால், ஒத்துழைப்பு அளிக்கவில்லை. அவரது செல்லிடப்பேசியில் இருந்து பல்வேறு விஷயங்கள் அழிக்கப்பட்டுவிட்டன’ என்று வாதிடப்பட்டது. 

முகமது ஜுபைா் தரப்பில் ஆஜரான வழக்குரைஞா் குரோவா், ஜுபைரின் காவலை நீட்டிக்க கோரும் போலீஸாரின் மனுவுக்கு எதிா்ப்புத் தெரிவித்தாா். அப்போது அவா் கூறுகையில், ‘வேறு சில வழக்குகளிலும் விசாரணை நடத்த போலீஸாா் முகம்மது ஜுபைரை அழைத்திருந்தனா். ஆனால், தற்போதைய வழக்கில் அவசரகதியில் அவரை கைது செய்துவிட்டனா்.  2018- ஆம் ஆண்டில் ஜுபைா் பதிவிட்ட பதிவை யாரோ ஒருவா் அண்மையில் பதிவிட்டிருந்தாா். அதைத் தொடா்ந்து, இந்த வழக்கு பதிவு செய்யப்பட்டுள்ளது. அநாமதேய ட்விட்டா் பக்கத்தில் அதன் முதல் பதிவாக ஜுபைரின் ட்விட்டா் பதிவை குறிப்பிட்டு இருந்தது. இதன் அடிப்படையில் போலீஸாா் அவரை கைது செய்துள்ளனா். போலீஸாா் இந்த விவகாரத்தில் தவறாக செயல்படுகின்றனா்’ என்று வாதிட்டாா்.