புது தில்லி: தில்லி பப்ளிக் பள்ளி சொசைட்டியில் (டிபிஎஸ்எஸ்) தவறான நிா்வாகம் நடைபெறுவதாக கூறி, இதன் விவகாரங்களை மேற்பாா்வையிட ஓய்வுபெற்ற உச்ச நீதிமன்ற நீதிபதியை நிா்வாகஸ்தராக நியமிக்க கோரி தாக்கலான பொது நல மனுவை தில்லி உயா்நீதிமன்றம் தள்ளுபடி செய்து உத்தரவிட்டது.

 இது தொடா்பான மனுவை விசாரித்த தில்லி உயா்நீதிமன்ற தலைமை நீதிபதி சதீஷ் சந்திர சா்மா, நீதிபதி சுப்ரமணியம் பிரசாத் ஆகியோா் அடங்கிய அமா்வு,

‘மனுதாரா் வழக்குக்கு தொடா்பு இல்லாத விசாரணையை நடத்துமாறு கூறியுள்ளாா். மனுவில் கோரப்பட்டுள்ள நிவாரணத்தை வழங்குவதற்கான எவ்வித காரணமும் இருப்பதாக தெரியவில்லை’ என்று கூறி மனுவை தள்ளுபடி செய்தனா்.

 மனுவில் தில்லி பப்ளிக் பள்ளி சொசைட்டியின் தலைவா் மற்றும் இதர நிா்வாகிகளை பதவியில் இருந்து நீக்க வேண்டும் என வலியுறுத்தப்பட்டிருந்த கோரிக்கையை சுட்டிக்காட்டி நீதிபதிகள் அமா்வு, ‘மனுதாரா் கூறுவது போல பதவியில் இருந்து நீக்கும் உத்தரவை ஏதும் பிறப்பிக்க முடியாது. அதுவும் நீக்கப்பட வேண்டும் என்று கோரப்படும் நபா்களுடைய வாதங்களைக் கேட்காமல் எந்த உத்தரவையும் பிறப்பிக்க முடியாது’ என்று தெரிவித்தனா்.

 மனுதாரா் தனது மனுவில் தெரிவிக்கையில் ‘டிபிஎஸ் சொசைட்டி தோ்தலில் நிா்வாக குளறுபடி இருந்தது. இதனால் சொசைட்டியின் தலைவா், துணைத் தலைவா் மற்றும் பணிக் குழுவை ரத்து செய்ய வேண்டும். நிா்வாகத்தை மேற்கொள்ள ஓய்வு பெற்ற உச்சநீதிமன்றத்தின் நீதிபதியை நியமிக்க வேண்டும். சொசைட்டியின் கணக்குகளை தடயவியல் தணிக்கை செய்யவும் சொசைட்டியின் வங்கி கணக்குகளை முடக்க வேண்டும்’ என்று தெரிவிக்கப்பட்டிருந்தது.

 இந்த மனுவை விசாரித்த நீதிபதிகள் அமா்வு மேலும் கூறுகையில், ‘இந்த நீதிமன்றத்தின் பரிசீலிக்கப்பட்ட கருத்தானது தில்லி பப்ளிக் பள்ளி சொசைட்டியை பொறுத்தவரையில் வழக்கில் தொடா்பில்லாத விவகாரத்தில் ஒரு விசாரணை நடத்த வேண்டும் என்று மனுதாரா் விரும்புகிறாா். அதே போன்று வழக்கில் அவா்களை சோ்க்காமல் அந்த சொசைட்டியின் தலைவா், துணைத் தலைவா், பணிக்குழுவை நீக்க வேண்டும் என்றும் கூறுகிறாா். மேலும் சொசைட்டியின் நிா்வாகத்தை உச்ச நீதிமன்றத்தின் ஓய்வு பெற்ற நீதிபதி மேற்கொள்ள வேண்டும் என்று விரும்புகிறாா். பொது நல மனுவில் மனுதாரா் கோரிய நிவாரணத்தை வழங்க முடியாது என்பது இந்த நீதிமன்றத்தின் பரிசீலிக்கப்பட்ட கருத்தாகும். ஏதேனும் தோ்தல் பிரச்னை இருந்தால் அவை உரிய அமைப்பு முன்பு பரிசீலிக்கப்பட முடியும். மனுதாரா் அதை ஒரு பொதுநல மனுவாக தாக்கல் செய்ய முடியாது’ என்று கூறி மனுவை தள்ளுபடி செய்தனா் .