திருவாரூரில் சாராயம் காய்ச்சி விற்றவா் குண்டா் தடுப்புச் சட்டத்தில் சிறையில் அடைக்கப்பட்டாா்.

விழுப்புரம் மற்றும் செங்கல்பட்டு மாவட்டங்களில் அண்மையில் கள்ளச்சாராயம் அருந்தி உயிரிழப்பு ஏற்பட்டதைத்தொடா்ந்து, தமிழகம் முழுவதும் சட்ட விரோத மது விற்பனைக்கு எதிரான சிறப்பு அதிரடி நடவடிக்கை மேற்கொள்ளப்பட்டு வருகிறது.

அதன்படி, திருவாரூா் மாவட்டம் முத்துப்பேட்டை அருகே தம்பிக்கோட்டை கீழக்காடு, ஆண்டிக்கொல்லை பகுதியில் கள்ளச்சாராயம் காய்ச்சி விற்பனை செய்த செந்தில்குமாா் (44) கைது செய்யப்பட்டு, சிறையில் அடைக்கப்பட்டாா்.

தொடா்ந்து, மாவட்ட காவல் கண்காணிப்பாளா் டி.பி. சுரேஷ்குமாரின் பரிந்துரையை ஏற்று, செந்தில்குமாரை குண்டா் தடுப்புச் சட்டத்தின் கீழ் சிறையில் அடைக்க மாவட்ட ஆட்சியா் தி. சாருஸ்ரீ உத்தரவிட்டாா். அதன்படி, குண்டா் தடுப்புச் சட்டத்தின் கீழ் செந்தில்குமாா், திருச்சி மத்திய சிறையில் சனிக்கிழமை அடைக்கப்பட்டாா்.

இதுகுறித்து மாவட்ட காவல் கண்காணிப்பாளா் டி.பி. சுரேஷ்குமாா் தெரிவிக்கையில், நிகழாண்டில் சட்ட விரோத மது விற்பனையில் ஈடுபட்ட 11 நபா்கள் மீது இதுவரை குண்டா் தடுப்புச் சட்டத்தின் கீழ் நடவடிக்கை எடுக்கப்பட்டுள்ளது. இதேபோல், தொடா் சட்ட விரோதச் செயல்களில் ஈடுபடும் நபா்கள் மீது குண்டா் தடுப்புச் சட்டத்தின் கீழ் நடவடிக்கை எடுக்கப்படும் என்றாா்.