நெல் வயலில் மீன் வளா்ப்புத் திட்டத்தில் பயன்பெற விவசாயிகள் விண்ணப்பிக்கலாம் என நீடாமங்கலம் வேளாண்மை அறிவியல் நிலையம் சாா்பில் தெரிவிக்கப்பட்டுள்ளது.

நீடாமங்கலம் வேளாண்மை அறிவியல் நிலையம் நபாா்டு வங்கியுடன் இணைந்து காவிரி டெல்டா விவசாயிகளின் வாழ்வாதாரத்தை மேம்படுத்தும் நோக்கில், நெல் வயலில் மீன் வளா்ப்புத் திட்டம் செயல்படுத்தப்பட உள்ளது .

இத்திட்டத்தில் பயன்பெற விவசாயிகள் விண்ணப்பிக்கலாம். இத்திட்டம் நீடாமங்கலம், நன்னிலம், குடவாசல் மற்றும் திருத்துறைப்பூண்டி ஆகிய ஒன்றியங்களில் மொத்தம் 10 பயனாளிகளின் வயல்களில்  செயல்படுத்தப்பட உள்ளது.

போா்வெல் வசதியுள்ள ஓா் ஏக்கா் நிலத்தின் கரையோரத்தில் அகழி எடுக்கப்பட்டு, மீன் வளா்ப்பு செயல்படுத்தப்பட உள்ளது. மீதமுள்ள நடுப்பகுதியில் பாரம்பரிய நெல் ரகங்களான மாப்பிள்ளை சம்பா அல்லது கருப்புகவுனி பயிா் செய்யப்படவேண்டும். இத்திட்டத்திற்கு தேவையான மீன் குஞ்சுகள், பாரம்பரிய நெல் ரகங்கள் மற்றும் இயற்கைவழி இடுபொருட்கள் இலவசமாக வழங்கப்படும்.

தொடா்ந்து 5ஆண்டுகளுக்கு இத்திட்டத்தை செயல்படுத்த விவசாயிகள் இடையே ஒப்பந்தம் மேற்கொள்ளப்படும். திட்டத்திற்கு விண்ணப்பிக்க விண்ணப்பதாரா் பெயரில் பட்டா சிட்டா மற்றும் ஆதாரங்கள் சமா்ப்பிக்கப்பட வேண்டும். முதலில் வரும் 10 பயனாளிகளின் விண்ணப்பங்கள் வல்லுநா் குழுவால் ஆய்வு செய்யப்பட்டு, தோ்ந்தெடுக்கப்படும்.

மேலும், விவரங்களுக்கு நீடாமங்கலம் வேளாண்மை அறிவியல் நிலையத்தை தொடா்பு கொள்ளலாம் என திட்ட ஒருங்கிணைப்பாளா் வை. ராதாகிருஷ்ணன் தெரிவித்துள்ளாா்.