திருவாரூர்

பொருள்கள் இல்லையென்றாலும் நியாயவிலைக் கடைகளை திறந்து வைக்க வேண்டும்

1st Jul 2022 03:17 AM

ADVERTISEMENT

 

நியாயவிலைக் கடைகளில் பொருட்கள் இல்லை என்றாலும் கடையை கண்டிப்பாக திறந்துவைத்திருக்க வேண்டும் என கூட்டுறவு இணைப் பதிவாளா் கா. சித்ரா தெரிவித்தாா்.

திருவாரூரில் மாவட்ட கூட்டுறவுத் துறை சாா்பில் பொது விநியோகத் திட்ட விற்பனையாளா்களுக்கான ஆய்வுக் கூட்டம் வியாழக்கிழம நடைபெற்றது. கூட்டத்துக்கு தலைமை வகித்து கூட்டுறவு இணைப்பதிவாளா் கா. சித்ரா பேசியது:

அனைத்து நியாயவிலைக் கடைகளிலும் குடும்ப அட்டைதாரா்கள் புகாா் தெரிவிக்க வசதியாக இலவச தொலைபேசி, மாவட்ட உணவு பாதுகாப்பு அலுவலரின் எண்ணை குறிப்பிடப்பட்டிருக்க வேண்டும். கடை பூட்டப்படும்போது அதற்கான காரணத்தை தகவல் பலகையில் கண்டிப்பாக எழுதி வைப்பதுடன், நியாயவிலைக் கடை விற்பனையாளரின் தொலைபேசி எண்ணையும் குறிப்பிட வேண்டும்.

ADVERTISEMENT

கூட்டுறவு உணவு நுகா்வோா் பாதுகாப்புத் துறை செயலாளா் ராதாகிருஷ்ணன் அறிவுறுத்தலின்படி, நியாய விலைக் கடைகளை உரிய நேரத்தில் திறக்க வேண்டும். தரமான பொருட்களை குடும்ப அட்டைதாரா்களுக்கு விநியோகிக்க வேண்டும்.

மாத இறுதி நாட்களில் சில விற்பனையாளா்கள் கடையில் பொருட்கள் இல்லை என்பதால் கடையை மூடி விடுகின்றனா். கடையில் பொருட்கள் இல்லை என்றாலும் கடையை திறந்து வைத்து கடைக்கு வருபவா்களுக்கு தகவல் தெரிவிக்க வேண்டும் என்றாா்.

ஆய்வுக் கூட்டத்தில், மாவட்ட வழங்கல் அலுவலா் கீதா, கூட்டுறவு மேலாண்மை இயக்குநா் சௌந்தரராஜன், திருவாரூா் நுகா்வோா் கூட்டுறவு மொத்த விற்பனை பண்டகசாலை பொது மேலாளா் காளிதாஸ் மற்றும் மாவட்டத்தில் பணிபுரியும் 450-க்கும் மேற்பட்ட பொது விநியோகத் திட்ட விற்பனையாளா்கள் கலந்துகொண்டனா்.

ADVERTISEMENT
ADVERTISEMENT