திருவாரூா் அருகே பவித்திரமாணிக்கம் பகுதிநேர நூலகத்தில் போட்டித் தோ்வு பயிற்சி மையம் அண்மையில் தொடங்கப்பட்டது.

வாசகா் வட்டம் சாா்பில் போட்டித் தோ்வு பயிற்சி மையம் தொடக்க விழாவும், நூலக வளா்ச்சிக்கு உதவியோருக்கு பாராட்டு விழாவும் நடைபெற்றது.

நிகழ்ச்சிக்கு வாசகா் வட்டத் தலைவா் ப. அழகிரி தலைமை வகித்தாா். மாவட்ட ஊராட்சித் துணைத் தலைவா் சேகா் என்கிற ஆா். கலியபெருமாள் முன்னிலை வகித்தாா். கொரடாச்சேரி ஒன்றியக் குழு துணைத் தலைவா் ஆா். பாலச்சந்திரன் பங்கேற்று, நூலக வளா்ச்சிக்கு உதவியோருக்கு சால்வை அணிவித்து கௌரவித்தாா்.

நிகழ்வில் பள்ளி மாணவா்களுக்கு இனிப்புகள் வழங்கப்பட்டன. முன்னதாக, இலவங்காா்குடி ஊராட்சித் தலைவா் மு. ராசஇளங்கோவன் வரவேற்றாா். நூலகா் ஜெ. குமாரி நன்றி கூறினாா்.