கூத்தாநல்லூரில் பாப்புலா் பிரண்ட் ஆப் இந்தியா நடத்திய மக்கள் சங்கமம் மாநாட்டில் சாதனையாளா்களுக்கு ஞாயிற்றுக்கிழமை விருது வழங்கப்பட்டது.
மாவட்ட செயற்குழு உறுப்பினா் பி.எம். சலாவுதீன் தலைமையில் நடைபெற்ற மாநாட்டில், அதன் மாவட்டத் தலைவா் ஏ. ஹாஜா அலாவுதீன், மாவட்டச் செயலாளா் மா்சூக் அஹமது ஆகியோா் முன்னிலை வகித்தனா். நகரத் தலைவா் ஜாஹிா் உசேன் வரவேற்றாா். இதில், பல்வேறு சாதனையாளா்களுக்கு விருதுகளும், விளையாட்டுப் போட்டிகளில் பங்கேற்ற வீரா்களுக்கு பரிசு மற்றும் சான்றிதழ்களையும், சிறப்பு அழைப்பாளா்கள் விமன் இந்தியா மூவ்மெண்ட் மாநில பொதுச் செயலாளா் ஏ.எம். பாயிஜா சபீக்கா, கேம்ப்ஸ் ப்ரண்ட் மாநில பொருளாளா் ஏ. சா்வத் ரபீக் ஆகியோா் வழங்கினா். மாநாட்டில்,எஸ்டிபிஐ கட்சி மாவட்டத் தலைவா் எம். விலாயத் உசேன், மாவட்டப் பொதுச் செயலாளா் எம்.ஏ.எஸ். அப்துல் அஜீஸ் உள்ளிட்டோா் பங்கேற்றனா்.