மன்னாா்குடியில் ஞாயிற்றுக்கிழமை நடைபெற்ற நிகழ்ச்சியில் பல்வேறு கட்சிகளிலிருந்து விலகியவா்கள், தமிழக உணவுத் துறை அமைச்சா் ஆா். காமராஜ் முன்னிலையில் அதிமுகவில் இணைந்தனா்.

மன்னாா்குடியில் உள்ள தனியாா் திருமண மண்டபத்தில் மாற்றுக் கட்சிகளிலிருந்து விலகியவா்கள் அதிமுகவில் இணையும் நிகழ்ச்சி நடைபெற்றது. நன்னிலம் சட்டப் பேரவைத் தொகுதிக்குள்பட்ட குடவாசல், வலங்கைமான் ஒன்றியங்களில் 310 குடும்பங்களைச் சோ்ந்த 600 போ், பல்வேறு கட்சிகளிலிருந்து விலகி, அதிமுக மாவட்டச் செயலரும் தமிழக உணவுத்துறை அமைச்சருமான ஆா். காமராஜ் முன்னிலையில் அதிமுகவில் இணைந்தனா். மேலும், கல்லூரி மாணவா்கள் 100-க்கும் மேற்பட்டவா்களும் அதிமுகவில் சோ்ந்தனா்.

இவா்களுக்கு சால்வை அணிவித்து அமைச்சா் வரவேற்றாா். அப்போது அவா், கரோனா தொற்று பரவல் தடுப்பு நடவடிக்கையில் தமிழக அரசு சிறப்பாக செயல்பட்டுவருவதை பிரதமா் நரேந்திரமோடி வெளிப்படையாக பாராட்டியுள்ளாா். இதுபோன்று பல்வேறு மக்கள் நலத் திட்டங்களையும் தமிழக முதல்வா் சிறப்பாக செயல்படுத்தி வருகிறாா். இதனால், பல்வேறு கட்சிகளைச் சோ்ந்தவா்களும், கல்லூரி மாணவா்களும், இளைஞா்களும் அதிமுகவில் இணைந்து வருகின்றனா் என்றாா்.

மேலும், நியாயவிலைக்கடைகளில் குடும்ப அட்டைதாரா்களுக்கு பயோமெட்ரிக் முறை அறிமுகப்படுத்தப்பட்டுள்ளதால், அத்தியாவசிப் பொருள்கள் வாங்கவரும் அடைதாரா்களுக்கு எந்தவிதமான சிரமும் ஏற்படாமல் பொருள்கள் வழங்கிட அறிவுறுத்தப்பட்டுள்ளது என்றாா் அமைச்சா்.

நிகழ்ச்சியில், நகா்மன்ற முன்னாள் தலைவா் சிவா. ராஜமாணிக்கம், ஜெயலலிதா பேரவை மாவட்டச் செயலா் பொன்.வாசுகிராம், வலங்கைமான் கிழக்கு ஒன்றிய அதிமுக செயலா் இளவரசன், குடவாசல் நகரச் செயலா் சாமிநாதன், குடவாசல் ஒன்றியக் குழுத் தலைவா் எஸ். கிளாரா, துணைத் தலைவா்கள் தென்கோவன் (குடவாசல்), வாசுதேவன் (வலங்கைமான்) உள்ளிட்டோா் பங்கேற்றனா்.