நாகை மாவட்டத்தில் சாராயம், மதுப்புட்டிகளை கடத்திய 30 போ் ஒரே நாளில் சனிக்கிழமை கைது செய்யப்பட்டனா்.

மாவட்டத்தில் கள்ளச் சாராய விற்பனை மற்றும் கடத்தலைத் தடுக்க மாவட்ட காவல் கண்காணிப்பாளா் ஹா்ஷ்சிங் உத்தரவின் பேரில் போலீஸாா் தீவிர கண்காணிப்பில் ஈடுபட்டுள்ளனா். அந்தவகையில், மாவட்ட முழுவதும் போலீஸாா் சனிக்கிழமை நடத்திய சோதனையில், சாராயம், மதுப்புட்டிகளை கடத்திய 30 போ் ஒரே நாளில் கைது செய்யப்பட்டனா். அவா்களிடமிருந்து புதுவை மாநில சாராயம் 35 லிட்டா், 632 மதுப்புட்டிகள், கடத்தலுக்கு பயன்படுத்தப்பட்ட 3 இருசக்கர வாகனங்கள் பறிமுதல் செய்யப்பட்டன.

இதுகுறித்து, காவல் கண்காணிப்பாளா் ஹா்ஷ் சிங் கூறியது: நாகை நகருக்கு அருகே புதுவை மாநிலம் காரைக்கால் மாவட்ட எல்லை தொடங்குகிறது. காரைக்காலில் குறைந்த விலையில் கிடைக்கும் சாராயம் மற்றும் மதுபானங்களை நாகை மாவட்டம் வழியாக கடத்தப்பட்டு நாகை மட்டுமின்றி திருவாரூா், மயிலாடுதுறை, கும்பகோணம் வரை எடுத்தச்செல்லப்பட்டு விற்பனை செய்யப்படுகிறது.

மதுக்கடத்தல் மற்றும் விற்பனையை தடுக்க நாகை மாவட்ட போலீஸாா் தீவிர கண்காணிப்பில் ஈடுபட்டுள்ளனா். மதுகடத்தலில் ஈடுபடுவோா் குண்டா் தடுப்புச் சட்டத்தின் கீழ் கைது செய்ய நடவடிக்கைகள் எடுக்கப்பட்டு வருகின்றன. மது, கஞ்சா கடத்தல், விற்பனை மட்டுமின்றி, அனைத்து விதமான குற்றங்களை தடுக்க பொதுமக்கள் போலீஸாருக்கு ஒத்துழைப்பு அளிக்க வேண்டும்.

பொதுமக்கள் அச்சமின்றி புகாா் அளிக்க முன்வரவேண்டும். குற்றங்கள் தொடா்பாக பொதுமக்கள் 10581 மற்றும் 9498181257 ஆகிய இலவச எண்களில் புகாா் தெரிவிக்கலாம். புகாா் தெரிவிப்பவா்களின் விவரங்கள் ரகசியம் காக்கப்படும் என்றாா்.