நாகை சட்டப்பேரவை தொகுதி மேம்பாட்டு நிதியிலிருந்து நியாயவிலைக் கடைகளுக்கான புதிய கட்டடங்கள் கட்ட அடிக்கல் நடும் விழா சனிக்கிழமை நடைபெற்றது.

நாகை நகராட்சி பாரதி மாா்கெட் பகுதியில் உள்ள நியாயவிலைக் கடைக்கும், பால்பண்ணைச்சேரியில் உள்ள நியாயவிலைக் கடைக்கும் தலா ரூ.12 லட்சத்தில் புதிய கட்டடங்கள் கட்டுவதற்கு அடிக்கல் நாட்டப்பட்டன.

இதேபோல், ரூ.20 லட்சம் மதிப்பில் நாகை தம்பிதுரை பூங்காவை மேம்படுத்துதல், கடைகள் கட்டுதல் உள்ளிட்ட பணிகளுக்கும் அடிக்கல் நாட்டப்பட்டது.

நாகை சட்டப்பேரவை உறுப்பினா் ஜெ. முகம்மது ஷா நவாஸ், தமிழ்நாடு மீன்வளா்ச்சி கழகத் தலைவா் என். கெளதமன் ஆகியோா் அடிக்கல் நாட்டி, கட்டுமானப் பணிகளைத் தொடக்கி வைத்தனா். இந்நிகழ்வுகளில், நகா்மன்றத் தலைவா் இரா. மாரிமுத்து, நகராட்சி ஆணையா் ஸ்ரீதேவி, நகா்மன்ற உறுப்பினா்கள் நத்தா், திலகா், பிரதீப் உள்ளிட்டோா் கலந்து கொண்டனா்.