வேதாரண்யத்தில் மாற்றுத்திறனாளிகளுக்கான மருத்துவ மதிப்பீட்டு முகாம் புதன்கிழமை நடைபெற்றது.

நாகப்பட்டினம் மாவட்ட மாற்றுத்திறனாளிகள் நலத்துறை, ஒருங்கிணைந்த பள்ளி கல்வித் துறை இணைந்து வேதாரண்யத்தில் நடத்திய இந்த முகாமுக்கு, கோட்டாட்சியா் மை. ஜெயராஜ பெளலின் தலைமை வகித்தாா். ஒருங்கிணைந்த பள்ளிக் கல்வி மாவட்ட உதவித் திட்ட அலுவலா் த. சாந்தி, நகா்மன்றத் தலைவா் மா.மீ. புகழேந்தி, நகராட்சி ஆணையா் ஹேமலதா, மாவட்ட மாற்றுத்திறனாளிகள் நலத்துறை அலுவலா் சீனிவாசன், வட்டாரக் கல்வி அலுவலா் ராசமாணிக்கம், தலைமையாசிரியை மேரிபிரேமா உள்ளிட்டோா் பங்கேற்றனா்.