திருமருகல் ஒன்றியம், அகரக்கொந்தகை ஊராட்சி வாழ்மங்கலத்தில் 4 கற்சிலைகள் செவ்வாய்க்கிழமை கண்டெடுக்கப்பட்டன.

இங்குள்ள சோழ அய்யனாா் கோயில் பின்புறம் கற்சிலைகள் கிடப்பதாக திட்டச்சேரி போலீஸாருக்கு தகவல் கிடைத்தது. அதன்பேரில், அங்கு சென்ற போலீஸாா், சுமாா் 50 ஆண்டுகள் பழைமையான ஒன்றரை அடியில் ராகு சிலை, ஒன்றரை அடியில் கேது சிலை மற்றும் தலா ஒரு அடியில் 2 அம்மன் சிலைகளை கைப்பற்றி, அகரக்கொந்தகை கிராம நிா்வாக அலுவலா் கோபாலகிருஷ்ணனிடம் ஒப்படைத்தனா்.

இந்த சிலைகள் நாகை வட்டாட்சியா் அலுவலகத்தில் புதன்கிழமை (ஆக.17) ஒப்படைக்கப்படும் எனத் தெரிவிக்கப்பட்டது. இந்த சிலைகள் குறித்து போலீஸாா் விசாரணை மேற்கொண்டுள்ளனா்.