செருதூா் மீனவக் கிராமத்தில் நடைபெறும் வெள்ளையாறு முகத்துவாரம் தூா்வாரும் பணியை நாகை மாவட்ட ஆட்சியா் பிரவீன் பி. நாயா் புதன்கிழமை நேரில் ஆய்வு செய்தாா்.

நாகை மாவட்டம், கீழையூா் ஊராட்சி ஒன்றியத்துக்குள்பட்ட செருதூா் மீனவக் கிராமத்தில் 295 கண்ணாடியிழைப் படகுகள் உள்ளன. இங்கு, 2015-ஆம் ஆண்டில் ரூ. 7.41 கோடி மதிப்பில் மீன் இறங்குதளம், படகு அமையும் சுவா், மீன் ஏலக்கூடம், வலை பின்னும் கூடம் ஆகியன அமைக்கப்பட்டன.

2018-ஆம் ஆண்டு ஏற்பட்ட கஜா புயல் சீற்றத்தின் போது, இக்கிராமத்தில் உள்ள வெள்ளையாற்றின் முகத்துவாரம் தூா்ந்து, மணல் மேடானது. இதையடுத்து, அப்பகுதி மக்கள் விடுத்த கோரிக்கையின் பேரில், வெள்ளையாற்று முகத்துவாரத்தை தூா்வாரி சீரமைக்கும் பணிகள் நடைபெற்று வருகின்றன.

ரூ. 4 கோடி மதிப்பில் நடைபெற்று வரும் இந்தப் பணிகளை, நாகை மாவட்ட ஆட்சியா் பிரவீன் பி. நாயா் புதன்கிழமை பாா்வையிட்டு ஆய்வு செய்தாா். அப்போது, முகத்துவாரம் தூா்வாரும் பணி நிறைவுற்ற பின்னா், இப்பகுதியில் மீன்பிடித் தொழில் தடையின்றி நடைபெறுவதுடன், மீனவ மக்களின் பொருளாதாரம் மேம்படும் என்றாா் ஆட்சியா்.

மீன்வளத் துறை இணை இயக்குநா் அமல்சேவியா், செயற்பொறியாளா் எம். முருகேசன், உதவி செயற்பொறியாளா் கே. முருகேசன், உதவிப் பொறியாளா் செந்தில்ராஜ், செய்தி மக்கள் தொடா்பு அலுவலா் மீ. செல்வகுமாா் ஆகியோா் உடனிருந்தனா்.