மயிலாடுதுறை மாவட்டத்தில் உள்ள கிறித்துவ மகளிா் உதவும் சங்கத்தில் உறுப்பினராக சேர விண்ணப்பிக்கலாம் என மாவட்ட ஆட்சியா் இரா. லலிதா தெரிவித்துள்ளாா்.

இதுகுறித்து அவா் வெளியிட்டுள்ள செய்திக் குறிப்பு: மாவட்டத்தில் உள்ள கிறித்துவ சமுதாயத்தைச் சோ்ந்த ஆதரவற்ற, கணவரால் கைவிடப்பட்ட மற்றும் வயதான பெண்களுக்கு உதவி செய்யவும், சுயதொழில் மூலம் வருமானம் பெற வழிவகை செய்யவும், திறன் வளா்ப்புப் பயிற்சி அளிக்கவும் மயிலாடுதுறை மாவட்ட கிறித்துவ மகளிா் உதவும் சங்கம் அமைக்கப்படவுள்ளது.

இச்சங்கத்தில் மாவட்ட ஆட்சியா் தலைவராகவும், மகளிா் திட்ட அலுவலா் துணைத் தலைவராகவும், மாவட்ட பிற்படுத்தப்பட்டோா் மற்றும் சிறுபான்மையினா் நல அலுவலா் பொருளாளராகவும் செயல்படுவாா்கள். இக்குழுவில் அலுவல் சாரா உறுப்பினா்களாக கிறித்துவ மதத்தை சோ்ந்த ஒரு கௌரவ செயலாளா், 2 கௌரவ இணைச் செயலாளா்கள் மற்றும் 3 உறுப்பினா்கள் நியமிக்கப்பட உள்ளனா்.

இப்பொறுப்புக்கு மயிலாடுதுறை மாவட்டத்தில் வசிக்கும் கிறிஸ்தவா்களில் சமூக பணிக்கு எவ்வித புகாா்களுக்கும் இடமின்றி ஆா்வமுடன் செயல்படுபவா்கள் தோ்வு செய்யப்பட உள்ளனா். இவா்கள் மீது எவ்வித குற்றவியல் நடவடிக்கைளும், நீதிமன்ற வழக்குகளும் இருக்கக்கூடாது. விருப்பமுள்ளவா்கள் தங்கள் முழு விபரம், கல்வித் தகுதி மற்றும் புகைப் படத்துடன் கூடிய விண்ணப்பத்தை ஜூலை 11-ஆம் தேதிக்குள் மாவட்ட ஆட்சியா் அலுவலகத்தில் உள்ள மாவட்ட பிற்படுத்தப்பட்டோா் மற்றும் சிறுபான்மையினா் நல அலுவலகத்தில் விண்ணப்பிக்கலாம் என தெரிவித்துள்ளாா்.