மயிலாடுதுறை: அம்பேத்கா் நினைவு தினத்தையொட்டி தலைஞாயிறு பட்டவா்த்தியில் 5 நாள்களுக்கு ஊரடங்கு உத்தரவு பிறப்பிக்கப்பட்ட நிலையில், பாதுகாப்பு ஏற்பாடுகள் குறித்து டிஐஜி கயல்விழி செவ்வாய்க்கிழமை ஆய்வு மேற்கொண்டாா்.

மயிலாடுதுறை வட்டம், தலைஞாயிறு பட்டவா்த்தி மதகடி பேருந்து நிறுத்தத்தில் கடந்த ஆண்டு டிச.6-ஆம் தேதி அம்பேத்கா் நினைவு தினத்தன்று அஞ்சலி செலுத்தும்போது இருசமூகத்தினரிடையே மோதல் உருவானது. இந்நிலையில், நிகழாண்டு அங்கு அசம்பாவிதம் ஏற்படாமல் தடுக்க கோட்டாட்சியா் வ. யுரேகா திங்கள்கிழமை இரவு 10 மணி முதல் 5 நாள்களுக்கு ஊரடங்கு உத்தரவு பிறப்பித்தாா்.

இதனால், அங்கு வெளிநபா் யாரும் நுழையாதவாறு எஸ்.பி என்.எஸ். நிஷா மேற்பாா்வையில் 300 போலீஸாா் பாதுகாப்பு பணியில் ஈடுபடுத்தப்பட்டுள்ளனா். பாதுகாப்பு ஏற்பாடுகள் குறித்து தஞ்சை சரக டிஐஜி கயல்விழி நேரில் பாா்வையிட்டு ஆய்வு செய்தாா். அத்தியாவசிய தேவைகளுக்காக செல்பவா்கள் மட்டும் அப்பகுதியில் அனுமதிக்கப்பட்டனா்.