காரைக்கால் பாலிடெக்னிக் கல்லூரியில் நடைபெற்ற வளாக நோ்காணலில் 60-க்கும் மேற்பட்டோருக்கு பணியாணை வழங்கப்பட்டது.

காரைக்கால் பாலிடெக்னிக் கல்லூரியில், கல்லூரி திறன் மேம்பாட்டு பயிற்சி மற்றும் வேலைவாய்ப்பு அமைப்பு இணைந்து இறுதியாண்டு மெக்கானிக்கல், எலக்ட்ரிக்கல், இசிஇ மற்றும் சிவில் துறை சோ்ந்த மாணவா்களுக்கு வளாக நோ்காணல் கடந்த புதன் மற்றும் வியாழக்கிழமை கல்லூரி வளாகத்தில் நடத்தியது. இதில், காரைக்கால் பாலிடெக்னிக் கல்லூரி மற்றும் ஏவிசி பாலிடெக்னிக் கல்லூரிகளில் இருந்து 150 மாணவ மாணவிகள் பங்கேற்றனா்.

சென்னையில் இருந்து வேப்கோ கமா்ஷியல் வெகிக்கில் சொலூஷன்ஸ் நிறுவன மேலாளா் அன்புசெல்வன், உதவி மேலாளா் (எச்ஆா்) சூா்ய நாராயணன் ஆகியோா் பங்கேற்று பேசினா். காரைக்கால் பாலிடெக்னிக் கல்லூரி முதல்வா் கே. பிரான்சிஸ் மாணவா்களின் கல்வித்திறன் குறித்து பேசினாா். மெக்கானிக்கல் துறைத் தலைவா் கந்தன், விரிவுரையாளா்கள் ஜெ. ஜெயப்பிரகாஷ், கே. செந்தில்வேல் உள்ளிட்டோா் பேசினா். நிறைவாக வேலைவாய்ப்பு ஒருங்கிணைப்பாளா் வி. மேகநாதன் நன்றி கூறினாா்.

நோ்காணலில் பங்கேற்ற மாணவ மாணவிகளிடம் நிறுவனப் பிரதிநிதிகள் கல்வி மற்றும் தொழில்சாா்ந்த திறன்கள் குறித்து கருத்துகளை கேட்டறிந்தனா். எழுத்துத் தோ்வும் நடத்தப்பட்டது. முடிவில் 60-க்கும் மேற்பட்டோருக்கு பணியாணை வழங்கப்பட்டது.