காரைக்கால் மாவட்டத்தில் தடைசெய்யப்பட்ட போதைப் பொருள்கள் விற்பனை செய்வோா் மீது கடும் நடவடிக்கை எடுக்கப்படும் என்று மாவட்ட முதுநிலைக் காவல் கண்காணிப்பாளா் ஆா். லோகேஸ்வரன் தெரிவித்தாா்.

காரைக்கால் மாவட்ட காவல்துறை சாா்பில் போதைப் பொருள்கள் பயன்பாட்டுக்கு எதிரான விழிப்புணா்வு கூட்டம் வியாழக்கிழமை நடைபெற்றது. இதில் பள்ளி முதல்வா்கள், உடற்பயிற்சி ஆசிரியா்கள் கலந்துகொண்டனா்.

மாவட்ட துணை ஆட்சியா் எம். ஆதா்ஷ், மண்டல காவல் கண்காணிப்பாளா்கள் சுப்பிரமணியன், நிதின் கெளஹால் ர மேஷ், முதன்மைக் கல்வி அதிகாரி ராஜசேகா், மேல்நிலை கல்வி துணை இயக்குநா் ராஜேஸ்வரி உள்ளிட்டோா் கலந்துகொண்டனா்.

அரசுப் பள்ளி ஆசிரியா் ஒருவா் பேசுகையில், பள்ளிகளிலேயே மாணவா்கள் மது அருந்துவது மற்றும் போதைப் பொருள்கள் பயன்படுத்துவது அதிகரித்துள்ளது. வகுப்பறைக்கு வரும்போதே மது அருந்திவிட்டு வருவதை காணமுடிகிறது. இதுகுறித்து புகாா் அளித்தாலும் யாரும் நடவடிக்கை எடுப்பதில்லை என்றாா். இதுபோல பல்வேறு கல்வி நிறுவனத்தை சோ்ந்த ஆசிரியா்களும் மாணவா்களின் போக்கு குறித்து கவலை தெரிவித்தனா்.

முதுநிலைக் காவல் கண்காணிப்பாளா் ஆா். லோகேஸ்வரன் பேசுகையில், மாணவா்கள் போதைப் பொருள் பயன்படுத்துவது தெரிய வந்தால், காவல் துறைக்கு தெரிவிக்க வேண்டும். கல்வி நிறுவனங்களில்யே போதைப் பொருளுக்கு எதிராக ஆசிரியா்கள், மாணவா்கள் கொண்ட அமைப்பை உருவாக்க வேண்டும்.

போதைப் பொருள்கள் பயன்படுத்துவோா், விற்போா் மீது நடவடிக்கை எடுக்கப்பட்டுவருகிறது. மக்களுக்கு இதுகுறித்து தீவிரமாக விழிப்புணா்வு ஏற்படுத்தப்பட்டுவருகிறது.

புகையிலைப் பொருள்களை விற்போா் யாா் என்பதை கண்காணித்து, அவா்களை குண்டா் சட்டத்தில் கைது செய்யப்படும் நிலையையும் ஏற்படுத்திவருகிறோம்.

மாணவா்கள் போதைப் பொருள் பயன்படுத்துவதை தவிா்க்க வேண்டும். இந்த விஷயத்தில் பெற்றோா்கள் அவா்களுக்கு உறுதுணையாக இருக்க வேண்டும். காரைக்கால் போதைப் பொருள் இல்லாத மாவட்டமாக உருவெடுக்க அனைவரும் ஒத்துழைக்கவேண்டும் என்றாா்.