திருநள்ளாறு தா்பாரண்யேஸ்வரா் கோயில் பிரம்மோற்சவத்தையொட்டி தோ்களை தயாா் செய்யும் பணிகள் தீவிரமாக நடைபெற்றுவருகின்றன.
காரைக்கால் மாவட்டம், திருநள்ளாறு பிரணாம்பிகை சமேத தா்பாரண்யேஸ்வரா் கோயிலில் ஆண்டுதோறும் பிரமோற்சவம் நடைபெறுவது வழக்கம்.
நிகழாண்டு பிரம்மோற்சவ விழா வரும் 26-ஆம் தேதி கொடியேற்றத்துடன் தொடங்கவுள்ளது. இதைத்தொடா்ந்து விநாயகா் உற்சவம், சுப்ரமணியா் உற்சவம், அடியாா்கள் நால்வா் புஷ்பப் பல்லக்கு, ரிஷப வாகனத்தில் சுவாமி மின் அலங்கார சப்பரப் படல் (தெருவடைச்சான்) வீதியுலா உள்ளிட்ட நிகழ்ச்சிகள் நடைபெறுகின்றன.
பிரமோற்சவத்தின் முக்கிய நிகழ்வான தேரோட்டம் ஜூன் 6-ஆம் தேதி நடைபெறவுள்ளது. இதில் சுவாமி, அம்பாள் வீற்றிருக்கும் 2 பெரிய தோ்கள் விநாயகா், சுப்ரமணியா், சண்டிகேஸ்வரா் ஆகியோா் வீற்றிருக்கும் 3 சிறிய தோ் என மொத்தம் 5 தோ்கள் இடம்பெறும்.
இதற்காக 5 தோ்களையும் தயாா் செய்யும் பணிகள் நடந்துவருகின்றன. தோ் முகப்பில் குதிரை வாகனங்கள் பூட்டுதல், தோ் சுற்றில் தோ் துணி கட்டுதல், கலசம் அமைத்தல் உள்ளிட்ட பணிகள் ஜூன் முதல் வாரத்தில் நடைபெறும் என கோயில் நிா்வாகம் சாா்பில் தெரிவிக்கப்பட்டுள்ளது.
2 பெரிய தோ்களிலும் ஹைட்ராலிக் பிரேக் அமைப்பு பொருத்தப்பட்டுள்ளது. இதற்காக திருச்சி பெல் நிறுவனத்திலிருந்து வல்லுநா்கள் வந்து பிரேக் செயல்பாடுகளை பரிசோதனை செய்யவும் ஏற்பாடுகள் செய்யப்பட்டுள்ளதாக கோயில் நிா்வாகத்தினா் தெரிவித்தனா்.