போதைப் பொருள் பயன்படுத்துவதை மாணவா்கள் தவிா்க்க வேண்டும் என்று மாவட்ட முதுநிலைக் காவல் கண்காணிப்பாளா் ஆா். லோகேஸ்வரன் கேட்டுக்கொண்டாா்.

அவ்வை கிராம நலச்சங்கம் மற்றும் காந்திஜி ஒருங்கிணைந்த மதுபோதை மறுவாழ்வு மையத்தின் சாா்பில் உலக மதுபோதை எதிா்ப்பு நாள் நிகழ்வாக, காரைக்கால் பேருந்து நிலையத்திலிருந்து அண்ணா அரசு கலைக் கல்லூரி வரை இமாகுலேட் நிறுவன மாணவ, மாணவியா், அண்ணா கல்லூரி சமூக பணித்துறை மாணவா்கள் போதை ஒழிப்பு விழிப்புணா்வுப் பேரணி நடத்தினா். பேரணி நிறைவில் மாவட்ட முதுநிலைக் காவல் கண்காணிப்பாளா் ஆா். லோகேஸ்வரன் முன்னிலையில் மாணவ, மாணவியா் போதை ஒழிப்பு உறுதிமொழி எடுத்துக்கொண்டனா். தொடா்ந்து எஸ்எஸ்பி பேசியது:

போதைப் பொருள்கள் பயன்பாடு அதிகரித்து வருகிறது. மாணவா்கள் ஒருபோதும் போதைப் பொருள்களை பயன்படுத்தக் கூடாது, தங்கள் நண்பா்கள் போதைப் பொருள் பயன்படுத்துவோராக இருந்தால், இதன் தீமைகளை விளக்கக்கூறி அவா்களை திருத்த முயற்சிக்கவேண்டும். பள்ளி, கல்லூரி மாணவா்கள் கற்பதை மட்டுமே குறிக்கோளாக கொண்டு வாழ்வில் முன்னேறவேண்டும் என்றாா்.

போதைப் பழக்கத்திலிருந்து மீண்டவா்களுக்கு பரிசுப் பொருள்கள் வழங்கி அவா் ஊக்கப்படுத்தினாா். மண்டல காவல் கண்காணிப்பாளா் சுப்பிரமணியன், நலவழித் துறை துணை இயக்குநா் ஆா்.சிவராஜ்குமாா் உள்ளிட்டோா் கலந்துகொண்டனா்.