சாத்தூா்: சாத்தூா் அருகே ஞாயிற்றுக்கிழமை இருவேறு சம்பவங்களில் கல்லூரி மாணவி உள்பட 2 பெண்கள் நீரில் மூழ்கி உயிரிழந்தனா்.

விருதுநகா் மாவட்டம் சாத்தூா் அருகேயுள்ள என்.வெங்கடேசபுரம் கிராமத்தைச் சோ்ந்தவா் அபிநயா(19). சாத்தூா் தனியாா் கல்லூரியில் பயின்று வந்த இவா், அதே பகுதியைச் சோ்ந்த பிளஸ் 2 மாணவி மனோரஞ்சனி(17) என்பவருடன் அந்தப் பகுதியில் உள்ள குளத்திற்கு குளிக்கச் சென்றுள்ளாா்.

அப்போது தண்ணீரில் ஆழமான பகுதிக்கு சென்ற அபிநயா தண்ணீரில் மூழ்கியுள்ளாா். அவரை காப்பாற்றச் சென்ற மனோரஞ்சனி சிறு காயங்களுடன் உயிா் தப்பினாா். உடனே அப்பகுதி மக்கள் இருவரையும் மீட்டு கோவில்பட்டி அரசு மருத்துவமனையில் சிகிச்சைக்காகச் சோ்த்தனா்.

அங்கு இருவரையும் பரிசோதனை செய்த மருத்துவா் அபிநயா ஏற்கெனவே உயிரிழந்துவிட்டதாகத் தெரிவித்தாா். மேலும் காயமடைந்த மனோரஞ்சனி மேல் சிகிச்சைக்காக தூத்துக்குடி அரசு மருத்துவமனைக்கு அனுப்பி வைத்தனா். இச்சம்பவம் குறித்து சாத்தூா் தாலுகா போலீஸாா் வழக்குப் பதிவு செய்து விசாரணை நடத்தி வருகின்றனா்.

மற்றொரு சம்பவம்: இதேபோன்று தாயில்பட்டி அருகே போ்நாயக்கன்பட்டியைச் சோ்ந்த சுந்தரராஜின் மனைவி சந்தனமாரி(27). பட்டாசு தொழிற்சாலையில் பணியாற்றிய இவா், அந்த பகுதியில் உள்ள ஊருணிக்கு குளிக்கச் சென்றுள்ளாா். அப்போது ஆழத்தில் உள்ள கிடங்கில் சிக்கி தண்ணீரில் மூழ்கி உயிரிழந்தாா். அப்பகுதியினா் சந்தனமாரியின் உடலை மீட்டு சிவகாசி அரசு மருத்துவமனையில் பிரேதப் பரிசோதனைக்காக சோ்த்தனா். இந்த சம்பவம் குறித்து வெம்பக்கோட்டை போலீஸாா் வழக்குப் பதிவு செய்து விசாரணை நடத்தி வருகின்றனா்.