விருதுநகா் அருகே வீட்டில் கள்ளச்சாராயம் காய்ச்சியது தொடா்பாக 3 பேரை போலீஸாா் சனிக்கிழமை கைது செய்தனா்.

ரோசல்பட்டி ஊராட்சிக்குள்பட்ட அண்ணாநகா் பகுதியைச் சோ்ந்தவா் குருவையா மகன் தன்ராஜ் (55). இவா் தனது வீட்டருகே உள்ள குணசேகரன் என்பவரின் பாழடைந்த வீட்டில் கள்ளச்ச சாராயம் காய்ச்சி விற்பதாக போலீஸாருக்கு தகவல் கிடைத்தது. இதையடுத்து பாண்டியன் நகா் காவல் சாா்பு- ஆய்வாளா் கமல் தலைமையிலான போலீஸாா், அந்த வீட்டை ஞாயிற்றுக்கிழமை சோதனையிட்டனா்.

அப்போது, 2 குடங்களில் கள்ளச்சாராயம் இருப்பதை போலீஸாா் கண்டறிந்தனா். இதையடுத்து, தன்ராஜை போலீஸாா் கைது செய்த நிலையில், அங்கு சாராயம் குடிப்பதற்காக வந்திருந்த கஸ்தூரிபாய் நகரைச் சோ்ந்த மகாலிங்கம் (45), அண்ணாநகரைச் சோ்ந்த ஆரோக்கியசாமி ஆகிய 3 பேரையும் கைது செய்தனா்.