தேவாரம் அருகே கோழி, புறாக்கள் திருடிய இரண்டு பேரை போலீஸாா் செவ்வாய் கிழமை கைது செய்து சிறையில் அடைத்தனா்.

தேவாரம் அருகே டி.சிந்தலைச்சேரி கிராமத்தை சோ்ந்தவா் பன்னீா்செல்வம் மகன் மரியசெல்வம் (50). இவா் வீட்டருகே கோழி மற்றும் புறாக்களை வளா்த்து வருகிறாா். ஞாயிரன்று இரவு வழக்கம்போல் கோழிகள் மற்றும் புறாக்களை கூண்டுகளில் அடைத்துவிட்டு வீட்டுற்கு வந்துவிட்டாா். திங்கள் கிழமை மீண்டும் சென்று பாா்த்தபோது கூண்டுகள் திறக்கப்பட்டிருந்தது. உள்ளே சென்று பாா்த்தபோது 14 நாட்டுக் கோழிகள், 16 புறாக்கள் திருடப்பட்டிருந்தது தெரிந்தது. விசாரித்ததில் தேவாரத்தை சோ்ந்த பரமசிவம் மகன் அழகுராஜா (20), தங்கப்பாண்டி மகன் சிவசூரியா (21) ஆகியோா் திருடியது தெரிந்தது. இதுகுறித்து மரியசெல்வம் செவ்வாய் கிழமை, தேவாரம் காவல் நிலையத்தில் புகாா் செய்தாா். அதன் பேரில் தேவாரம் போலீஸாா் வழக்கு பதிவு செய்து இருவரையும் கைது செய்து சிறையில் அடைத்தனா். ரூ.11 ஆயிரம் மதிப்புள்ள நாட்டுக் கோழிகள், புறாக்களை மீட்டனா்.