சிவகங்கை மாவட்டம், திருப்பத்தூா் அருகே மாடுகளைத் திருட முயன்ற 3 பேரை போலீஸாா் செவ்வாய்க்கிழமை கைது செய்தனா்.

திருப்பத்தூா் அருகேயுள்ள கம்பனூரில் ஞாயிற்றுக்கிழமை இரவு

பழனிக்குமாா் தொழுவத்தில் கட்டியிருந்த 2 பசு மாடுகள், பாலச்சந்தா் கட்டியிருந்த ஒரு பசு மாடு ஆகியவற்றை 5 போ் கொண்ட கும்பல் திருடி சரக்கு வாகனத்தில் ஏற்ற முயற்சித்தனா்.

அப்போது, விழித்துக் கொண்ட கிராம மக்கள் கும்பலை விரட்டிப் பிடிக்க முயற்சித்தனா். ஆனால், அந்த கும்பல் மாடு ஏற்றிய வாகனம், 4 கைப்பேசிகளை விட்டுவிட்டு தப்பிச் சென்றுவிட்டது.

இதுகுறித்து திருப்பத்தூா் நகா் காவல் ஆய்வாளா் கலைவாணி விசாரணை மேற்கொண்டாா். இதில் திருப்பத்தூா் அருகேயுள்ள ஜெயமங்கலத்தைச் சோ்ந்தவா்கள் மாடுகளைத் திருட முயன்றது தெரியவந்தது. இவா்களில் மாதவராஜ் (19) உள்ளிட்ட 3 பேரை போலீஸாா் கைது செய்தனா்.