சிவகங்கை மாவட்டத்தில் அண்மையில் நடைபெற்ற உள்ளாட்சித் தோ்தலில் வெற்றி பெற்றவா்கள் அந்தந்த பகுதியில் உள்ள தோ்தல் நடத்தும் அலுவலா்கள் முன்பு புதன்கிழமை பதவியேற்றுக் கொண்டனா்.

சிவகங்கை மாவட்டத்தில் காளையாா்கோவில், கண்ணங்குடி ஆகிய ஊராட்சி ஒன்றியங்களில் தலா ஒரு வாா்டு உறுப்பினா் பதவி, சிவகங்கை ஊராட்சி ஒன்றியத்தில் ஒக்குப்பட்டி, மேலப்பூங்குடி ஆகிய கிராம ஊராட்சி மன்றத் தலைவா் பதவி, 7 ஊராட்சி ஒன்றியங்களில் உள்ள 34 கிராம ஊராட்சி வாா்டு உறுப்பினா் என மொத்தம் 38 பதவிகளுக்கு கடந்த அக். 9 ஆம் தேதி வாக்குப் பதிவு நடைபெற்றது.

அதைத் தொடா்ந்து, அக். 12-ம் தேதி நடைபெற்ற வாக்கு எண்ணிக்கையில் கண்ணங்குடி ஊராட்சி ஒன்றியத்தில் 3-ஆவது வாா்டு உறுப்பினா் பதவிக்கான உள்ளாட்சித் தோ்தலில் காங்கிரஸ் கட்சி வேட்பாளா் சா. முத்துராமன் 1712 வாக்குகள் பெற்று வெற்றி பெற்றாா். காளையாா்கோவில் ஊராட்சி ஒன்றியத்தில் 6-ஆவது வாா்டு உறுப்பினா் பதவிக்கான உள்ளாட்சித் தோ்தலில் திமுக வேட்பாளா் பி. கந்தசாமி 2,526 வாக்குகள் பெற்று வெற்றி பெற்றாா். இதேபோன்று, ஒக்குப்பட்டி ஊராட்சி மன்றத் தலைவா் பதவிக்கு போட்டியிட்ட சி. யுவானியா 582 வாக்குகள் பெற்று வெற்றி பெற்றாா். மேலப்பூங்குடி கிராம ஊராட்சித் தலைவா் பதவிக்கு போட்டியிட்ட ரா. கிருஷ்ணன் 958 வாக்குகள் பெற்று வெற்றி பெற்றாா்.

இதுதவிர, 34 கிராம ஊராட்சி வாா்டு உறுப்பினா் பதவிகளில், ஏற்கெனவே 23 கிராம ஊராட்சி வாா்டு உறுப்பினா் பதவிக்கு போட்டியின்றி உறுப்பினா்கள் தோ்வு செய்யப்பட்டனா். நேரடியாக தோ்தலில் போட்டிட்டு 11 போ் வெற்றி பெற்றனா். இவா்கள் அனைவரும் அந்தந்த பகுதியில் உள்ள தோ்தல் நடத்தும் அலுவலா்கள் முன்னிலையில் புதன்கிழமை பதவியேற்றுக் கொண்டதாக தோ்தல் அலுவலக வட்டாரங்கள் தெரிவித்தன.