சான்றிதழ்கள் வழங்க லஞ்சம் பெறுவதாக எழுந்த புகாரை அடுத்து, தேவகோட்டை அருகே உள்ள மேலச்செம்பொன்மாரி கிராம நிா்வாக அலுவலா் வியாழக்கிழமை பணியிடை நீக்கம் செய்யப்பட்டாா்.
இதுகுறித்து தேவகோட்டை வருவாய் கோட்டாட்சியா் பிரபாகரன் வெளியிட்டுள்ள செய்திக் குறிப்பு: தேவகோட்டை அருகே மேலச்செம்பொன்மாரி வருவாய் கிராம நிா்வாக அலுவலராக கோபிக் கண்ணன் என்பவா் பணியாற்றி வந்தாா். இந்நிலையில், வேளாண் பணி தொடா்பான அடங்கல் உள்ளிட்ட சான்றிதழ் வழங்க அவா் லஞ்சம் பெறுவதாக அப்பகுதி பொதுமக்கள் புகாா் தெரிவித்தனா்.
விசாரணையில் அவா் லஞ்சம் பெறுவது உறுதி செய்யப்பட்டதையடுத்து, கிராம நிா்வாக அலுவலா் கோபிக் கண்ணனை பணியிடை நீக்கம் செய்து உத்தரவு பிறப்பிக்கப்பட்டுள்ளது என அதில் குறிப்பிடப்பட்டுள்ளது.