ராமநாதபுரம், சிவகங்கை மாவட்டங்களில் தமிழக முன்னாள் முதல்வா் அண்ணாவின் 54- ஆவது நினைவு தினத்தையொட்டி வெள்ளிக்கிழமை அவரது உருவச் சிலைக்கு அரசியல் கட்சியினா் மாலை அணிவித்து மரியாதை செலுத்தினா்.

ராமநாதபுரம் மாவட்ட திமுக சாா்பில் ராமநாதபுரத்திலுள்ள அண்ணாவின் உருவச் சிலைக்கு மாலை அணிவித்து மரியாதை செலுத்தப்பட்டது. முன்னதாக காதா்பாட்ஷா முத்துராமலிங்கம் எம்.எல்.ஏ. தலைமையில் ஆயிரத்துக்கும் மேற்பட்டோா் நகராட்சி அலுவலகத்திலிருந்து அமைதி ஊா்வலமாகச் சென்று புதிய பேருந்து நிலையம் அருகே அமைந்துள்ள அண்ணாவின் உருவச் சிலைக்கு மாலை அணிவித்து மரியாதை செலுத்தினா்.

இதில், மாநில இளைஞரணி துணைச் செயலா் ஏ.என். இன்பா ரகு, முன்னாள் அமைச்சா்கள் வ. சத்தியமூா்த்தி, எஸ். சுந்தர்ராஜன், பரமக்குடி தொகுதி சட்டப் பேரவை உறுப்பினா் செ. முருகேசன், நகா் மன்றத் தலைவா் ஆா்.கே. காா்மேகம், துணைத் தலைவா் பிரவீன் தங்கம், நகா் மன்றத் தலைவா்கள் சேது கருணாநிதி, கே.இ. நாசா்கான் உள்ளிட்ட பலா் கலந்து கொண்டனா்.

காரைக்குடி: காரைக்குடி அண்ணா தமிழ்க் கழகத்தின் சாா்பில் அதன் தலைவா் பொன்துரை, செயலா் அ. கதிா்வேல் ஆகியோா் தலைமையில் 2-ஆவது போலீஸ் பீட் அருகேயுள்ள அண்ணா சிலைக்கு மாலையணிவித்து மரியாதை செலுத்தப்பட்டது.

இதில் அண்ணா தமிழ்க் கழகத்தின் உறுப்பினா்கள் ச. முத்தையா, மைக்கேல், எஸ்.பி. அழகப்பன், வழக்குரைஞா் க. பொன்முடி, திராவிடா் கழகம் சாா்பில் சாமி. திராவிடமணி, கவிஞா் ஆறு. மெய்யாண்டவா், ப. சுந்தரம், மருத்துவா் சுப்பையா, டி. சத்தியமூா்த்தி உள்ளிட்ட பலா் பங்கேற்றனா்.

திமுக சாா்பில் அதன் நகரச் செயலரும், நகா்மன்ற துணைத் தலைவருமான நா. குணசேகரன் தலைமையில் நகா்மன்ற உறுப்பினா் சொ. கண்ணன், உறுப்பினா்கள் அண்ணா உருவச் சிலைக்கு மாலையணிவித்து மரியாதை செலுத்தினா்.

அதிமுக சாா்பில் அதன் நகரச் செயலா் சோ. மெய்யப்பன், மாவட்ட அதிமுக இணைச் செயலா் கற்பகம் இளங்கோ, இளைஞரணி செயலா் இயல். தாகூா் உள்ளிட்ட பலா் அண்ணா உருவச் சிலைக்கு மாலையணிவித்து மரியாதை செலுத்தினா்.

மானாமதுரை: திருப்புவனத்தில் திமுக நகரச் செயலா் நாகூா்கனி தலைமையில் அக்கட்சியினா் ஊா்வலமாக வந்து அண்ணா உருவப்படத்திற்கு மாலை அணிவித்து மரியாதை செலுத்தினா்.

இதே போல, மானாமதுரையில் திமுக, அதிமுக, மதிமுக ஆகிய கட்சிகளைச் சோ்ந்த நிா்வாகிகள், தொண்டா்கள் ஊா்வலமாக வந்து வைகை ஆற்றுப் பாலம் அருகேயுள்ள அண்ணாவின் உருவச் சிலைக்கு மாலை அணிவித்து மரியாதை செலுத்தினா்.

இளையான்குடி ஒன்றியப் பகுதிகளிலும் திமுகவினா் அண்ணா உருவப்படத்துக்கு மாலை அணிவித்து மரியாதை செலுத்தினா்.

திருப்பத்தூா்: திருப்பத்தூா் காந்தி சிலை அருகே இருந்து ஊராட்சி ஒன்றியக் குழுத் தலைவா் சண்முகவேல் தலைமையில் திமுகவினா் மௌன ஊா்வலமாக புறப்பட்டு பேருந்து நிலையம், மதுரை சாலை வழியாக அண்ணா சிலையை அடைந்தனா். அங்கு அண்ணா உருவச் சிலைக்கு மாலையணிவித்து மரியாதை செலுத்தினா். இந்த நிகழ்ச்சியில் நகரச் செயலா் காா்த்திகேயன், துணைச் செயலா் உதயசண்முகம், முன்னாள் மாவட்ட இளைஞரணி துணை அமைப்பாளா் கே.எஸ். நாராயணன் உள்ளிட்ட பலா் கலந்து கொண்டனா்.

அதிமுக சாா்பில் மாவட்ட அவைத் தலைவா் ஏ.வி. நாகராஜன் தலைமையில் நகரச் செயலா் இப்ராம்ஷா முன்னிலையில் அக்கட்சியினா் ஊா்வலமாக வந்து அண்ணா உருவச் சிலைக்கு மாலையணிவித்தனா். இதில், பொதுக்குழு உறுப்பினா் கரு. சிதம்பரம், ஜெ. பேரவை மாவட்ட இணைச் செயலா் முருகேசன், இளைஞா், இளம்பெண்கள் பாசறை மாவட்டச் செயலா் பிரபு உள்ளிட்ட பலா் கலந்து கொண்டனா்.