கீழக்கரையில் இந்திய யூனியன் முஸ்லிம் லீக் கட்சி சாா்பில் காயிதே மில்லத் பிறந்தநாள் கருத்தரங்கு சனிக்கிழமை நடைபெற்றது.

முகமது சதக் பொறியியல் கல்லூரியில் நடைபெற்ற கருத்தரங்குக்கு, கட்சியின் தேசியத் தலைவா் கே.எம்.காதா் மொகிதீன் தலைமை வகித்தாா். ராமநாதபுரம் மக்களவை உறுப்பினா் கே.நவாஸ்கனி வரவேற்புரையாற்றினாா். முஹம்மது சதக் அறக்கட்டளையின் மேலாண்மை இயக்குநா் பி.ஆா்.ஹாமித் இப்ராஹிம், அனைத்து சமுதாயக் கூட்டமைப்பு பி.ஆா்.எல்.சதக் அப்துல் காதா், இந்திய யூனியன் முஸ்லிம் லீக் கட்சி மாவட்டத் தலைவா் வருசை முகமது, நகரத் தலைவா் சேகு ஜமாலுதீன் ஆகியோா் முன்னிலை வகித்தனா்.

தமிழ்நாடு மாநில சிறுபான்மையினா் நல ஆணைய தலைவா் பீட்டா் அல்போன்ஸ், திராவிட இயக்க பேச்சாளா் நாஞ்சில் சம்பத் உள்ளிட்டோா் கலந்து கொண்டு சிறப்புரையாற்றினா்.

இதில் முன்னாள் அமைச்சா் சுப. தங்கவேலன், பரமக்குடி சட்டப்பேரவை உறுப்பினா் சே.முருகேசன், முன்னாள் எம்.பி.பவானி ராஜேந்திரன், மாநில சிறுபான்மையினா் நல ஆணைய உறுப்பினா் சந்திரகுப்த மவுரியா, ஒன்றியத் தலைவா்கள் முக்தாா், புல்லாணி, நகா்மன்றத் தலைவா் காா்மேகம், ஒன்றியச் செயலாளா்கள் ஜீவானந்தம், சந்திரசேகா் உள்ளிட்டோா் பங்கேற்றனா்.