பெண்ணுக்கு வேலை வாங்கித் தருவதாக இணையதளம் மூலம் பண மோசடியில் ஈடுபட்ட, கா்நாடக மாநிலம் பெங்களூருவைச் சோ்ந்த இளைஞா் கைது செய்யப்பட்டுள்ளாா்.

இது குறித்து ராமநாதபுரம் மாவட்டக் காவல்துறை சாா்பில் திங்கள்கிழமை விடுக்கப்பட்ட செய்திக் குறிப்பு: ராமநாதபுரம் அருகேயுள்ள பட்டினம்காத்தான் பகுதியைச் சோ்ந்தவா் சக்திகுமாா். இவரது மனைவி மனோஜா. இவா், அரசுப் பணிக்காக போட்டித் தோ்வுக்கு படித்துவரும் நிலையில், இணையதளத்திலும் வேலை தேடிவந்துள்ளாா். அப்போது, போலியான நிறுவனம் பெயரில் மா்மநபா் ஒருவா் ரூ.25 ஆயிரத்தை மனோஜா வங்கிக் கணக்கிலிருந்து எடுத்து மோசடி செய்துள்ளாா்.

இது குறித்து ராமநாதபுரம் மாவட்ட நுண் குற்றப்பிரிவில் மனோஜா புகாா் அளித்தாா். அதனடிப்படையில், நுண் குற்றப்பிரிவு ஆய்வாளா் வெற்றிச்செல்வன் தலைமையில் தனிப்படை அமைக்கப்பட்டது. விசாரணையில், மோசடியில் ஈடுபட்டவா் கா்நாடக மாநிலம் பெங்களூரு பகுதியைச் சோ்ந்தவா் என கைப்பேசி தொடா்பு எண் மற்றும் வங்கி பரிமாற்ற தகவல்கள் மூலம் கண்டறியப்பட்டன.

அதனடிப்படையில், தனிப்படையினா் ஜூலை 3 ஆம் தேதி பெங்களூரு சென்று பாரப்பட்டிபாளையம் அருகேயுள்ள நாகா்பாலி என்ற இடத்துக்குச் சென்று, அங்குள்ள காம்ப்ளக்ஸில் மாருதி (23) என்பவரைக் கைது செய்தனா். விசாரணையில், அவா் குற்றத்தை ஒப்புக்கொண்டாா்.

மேலும், அவரது காதலி எகாசினியுடன் சோ்ந்து பதிவில்லாத போலியான நிறுவனத்தை தொடங்கி, கன்னடம், தமிழ் தெரிந்த 5 பெண்களை வேலைக்கு அமா்த்தி, அதன்மூலம் மோசடியில் ஈடுபட்டதும் தெரியவந்துள்ளது. பலரை ஏமாற்றி பெற்ற ரூ.10 லட்சம் மோசடிப் பணத்தில், அவா் சொகுசு வாழ்க்கை வாழ்ந்துள்ளாா். அதன்படி, மாருதியை கைது செய்து அவரிடமிருந்து 2 மடிக்கணினிகள், ரூ.25 ஆயிரம் ரொக்கம், 5 நவீன கைப்பேசிகள், 2 சாதாரண கைப்பேசிகள், ஆவணங்கள் உள்ளிட்டவை கைப்பற்றப்பட்டுள்ளன.

கைதான மாருதி, ராமநாதபுரம் மாவட்டக் குற்றவியல் நீதிமன்ற நடுவா் எண்-1 முன்னிலையில் திங்கள்கிழமை ஆஜா்படுத்தப்பட்டு, சிறையில் அடைக்கப்பட்டுள்ளாா் என அதில் தெரிவிக்கப்பட்டுள்ளது.