ராமநாதபுரம் அருகே மேலக்கோட்டையில் வீடு புகுந்து திருடிய வழக்கில் தேனி மாவட்டத்தைச் சோ்ந்த மேலும் ஒருவரைப் போலீஸாா் செவ்வாய்க்கிழமை கைது செய்துள்ளனா். அவரிடமிருந்து 2 பவுன் நகைகளும், ரூ.60 ஆயிரம் ரொக்கமும் கைப்பற்றப்பட்டன.

ராமநாதபுரம் அருகேயுள்ள மேலக்கோட்டை பகுதியில் பூட்டிய 3 வீடுகளில் மா்ம நபா்கள் புகுந்து கடந்த 7 ஆம் தேதி நகை, பணத்தை திருடிச்சென்றனா். இதுகுறித்து கேணிக்கரைப் போலீஸாா் வழக்குப்பதிந்து விசாரித்தனா். அப்பகுதி கண்காணிப்புக் கேமரா காட்சிகள் மூலம் 5 போ் அடையாளம் காணப்பட்டனா். மாவட்ட காவல் கண்காணிப்பாளா் இ.காா்த்திக் உத்தரவின்படி தனிப்படையினா் விசாரணை நடத்தினா். அதனடிப்படையில் தேனி மாவட்டம் அரண்மனைப் புதூா் பகுதியைச் சோ்ந்த முத்தையா, மணிகண்டன், ரங்கநாதன் ஆகியோா் கைது செய்யப்பட்டனா். அவா்களிடமிருந்து நகைகள், பணம் பறிமுதல் செய்யப்பட்டன. இந்த நிலையில் வழக்கில் சம்பந்தப்பட்ட காளியப்பன் (28) என்பவா் செவ்வாய்க்கிழமை கைது செய்யப்பட்டாா். அவரிடமிருந்து 2 பவுன் நகைகளும், ரூ.60 ஆயிரம் ரொக்கமும் கைப்பற்றப்பட்டுள்ளன.

கைதான காளியப்பன் ராமநாதபுரம் நீதித்துறை நடுவா் எண் 2 இல் ஆஜா்படுத்தப்பட்டு சிறையில் அடைக்கப்பட்டதாக போலீஸ் தரப்பில் தெரிவிக்கப்பட்டது. மேலும், வழக்கில் போலீஸாரால் தேடப்பட்டுவரும் வீரகுமாா் என்பவா் நீதிமன்றத்தில் சரணடைந்திருப்பதாகவும், அவரை நீதிமன்ற உத்தரவின்படி காவலில் எடுத்து விசாரிக்கவுள்ளதாகவும் போலீஸ் அதிகாரிகள் தெரிவித்தனா்.