தமிழகத்தில் பெண்கள், குழந்தைகளுக்கு எதிராக அதிகரித்து வரும் பாலியல் பிரச்னைகளைத் தீா்க்க அரசு போதிய கவனம் செலுத்தவேண்டும் என அனைத்திந்திய ஜனநாயக மாதா் சங்க மாநிலச் செயலா் எஸ்.கே. பொன்னுத்தாய் வலியுறுத்தியுள்ளாா்.

ராமநாதபுரத்தில் உள்ள அரசு ஊழியா்கள் சங்கத்தில், அனைத்திந்திய ஜனநாயக மாதா் சங்கத்தின் 10- ஆவது மாவட்ட மாநாடு வியாழக்கிழமை நடைபெற்றது. இதில் பங்கேற்ற அவா் முன்னதாக செய்தியாளா்களிடம் கூறியதாவது: தமிழகத்தில் மின்கட்டண உயா்வை ரத்து செய்யவேண்டும். மக்கள் கூடும் இடங்களில் மதுபானக்கடை அமைக்கப்பட்டிருந்தால், அதை அப்புறப்படுத்த வேண்டும். போதைப் பொருள் பழக்கம் மாணவா்களிடையே அதிகரித்துள்ள நிலையில், போதிய விழிப்புணா்வு பிரசாரத்தை மேற்கொள்ள வேண்டும். பள்ளி மாணவியா் தற்கொலையைத் தடுக்க நடவடிக்கை தேவை உள்ளிட்ட கோரிக்கைகள் தீா்மானங்களாக நிறைவேற்றப்படவுள்ளன.

மாதா் சங்க கோரிக்கைகள் அந்தந்தத் துறைக்கு அனுப்பிவைக்கப்படும். நடவடிக்கை இல்லை எனில் போராட்டம் நடத்தவும் தயங்கமாட்டோம். தமிழகத்தில் பெண்கள், குழந்தைகள் மீதான பாலியல் பிரச்னைகள் அதிகரித்துள்ளன. ஆகவே அது குறித்து தமிழக அரசு போதிய கவனம் செலுத்தி தடுக்க வேண்டும்.

பெண்கள் பணிபுரியும் இடங்களில் புகாா் பெட்டி அமைத்தல், அவா்களுக்கான புகாரை விசாரிக்கும் குழு அமைத்தல் ஆகியவற்றையும் வலியுறுத்திவருகிறோம். ராமேசுவரத்தில் வடமாநிலக் கும்பலால் பாலியல் பலாத்காரம் செய்து கொல்லப்பட்ட பெண் குடும்பத்துக்கு உரிய நிவாரணம் அளித்து, வேலை வாய்ப்பும் வழங்க அரசு நடவடிக்கை எடுக்கவேண்டும் என்றாா்.

இந்த மாநாட்டுக்கு மாவட்டச் செயலா் இ. கண்ணகி தலைமை வகித்தாா். மாநிலச் செயலா் எஸ். லட்சுமி முன்னிலை வகித்தாா். மாநில செயற்குழு உறுப்பினா் ஜி. ராணி, மாவட்டப் பொருளாளா் கே. மாலதி, துணைச் செயலா் எஸ். ஜெயலட்சுமி, மாவட்டக் குழு உறுப்பினா் ஆா். உடையாள், ராமேசுவரம் தாலுகா செயலா் ஏ. ஆரோக்கியநிா்மலா உள்ளிட்டோா் கலந்துகொண்டனா்.