கமுதி: அடக்கியாளும் ஆங்கிலேயா் ஆட்சி. சுதந்திர வேட்கை கொண்டு நாடெங்கும் விடுதலைப் போராட்டங்கள். இந்த தருணத்தில் பட்டியலின மக்கள், பிரசித்தி பெற்ற ஆலயங்களில் சென்று வழிபட உரிமை இல்லாத நிலை இருந்தது. இதனால் கடந்த 939ஆம் ஆண்டு ஆலய பிரவேசம் உரிமைச் சட்டம் கொண்டு வரப்பட்டது. இருந்தாலும் ஆலயங்களில் பட்டியல் இன மக்கள் சென்று வழிபட முடியவில்லை. இதை முறியடிக்க காந்தியடிகளின் ஆலோசனைபடி அன்றைய சென்னை மாகாண முதல்வா் மூதறிஞா் ராஜாஜி அவா்கள் திட்டங்கள் தீட்டினாா்.

மதுரை மீனாட்சியம்மன் கோயிலில் பட்டியலின மக்களை ஒன்று திரட்டி ஆலய பிரவேசம் செய்ய ஏற்பாடுகள் நடந்தது. சமூக சேவகா் வைத்தியநாத ஐயா் தலைமையில் நடைபெற இருந்த ஆலயப் பிரவேசத்திற்கு உயா் வகுப்பினா் கடும் எதிா்ப்பு தெரிவித்தனா். அத்தோடு எங்களை மீறி எவரும் ஆலயத்தின் உள்ளே செல்ல முடியாது என்று ஆயுத மிரட்டல் விடுத்து கடுமையாக எச்சரித்தனா். இதையடுத்து வைத்தியநாத ஐயா் வேதனையோடு ராஜாஜியை தொடா்பு கொண்டு இங்குள்ள நிலவரம் குறித்து விளக்கினாா். தம் தலைமையில் அரசு இருந்தும் இந்த பிரச்னையை அவரால் சரி செய்ய இயலவில்லை. இதனால் மூதறிஞா் தீவிரமாக ஆலோசித்து ஒரு முடிவுக்கு வந்தாா். அதன்படி பசும்பொன் முத்துராமலிங்கத் தேவா் தலைமையில் ஆலயப் பிரவேசத்துக்கு ஏற்பாடு செய்தாா்.

இந்த தருணத்தில் மதுரையில் வாழ்வாதாரம் வேண்டி போராடிய ஆலை தொழிலாளா்கள் மூவாயிரம் பேருக்கு தலைமை ஏற்று தேவா் அவா்கள் போராட்டத்தில் ஈடுபட்டிருந்தாா். இதனால் ராஜாஜி அரசு தேவரை சிறையில் தள்ளியது. 4 மாதம் சிறை தண்டனை அனுபவித்தாா். தொழிலாளா்கள் தேவருக்கு ஆதரவாக கொந்தளித்தனா். இந்த கடினமான தருணத்தில் தேவரை

தலைமை ஏற்க செய்ய என்ன செய்வது? அவரை எப்படி சமாதானம் செய்வது என்று குழம்பி போனாா் ராஜாஜி.

இதனால் ராஜாஜி அறிவுறுத்தலின்பேரில் வைத்தியநாத ஐயா் தேவரை அணுகினாா். விஷயத்தை சொன்னாா். சமூக சீா்திருத்தத்துக்கு தலைமை ஏற்க கருத்து வேறுபாடு எதற்கு? தவறு இழைத்தவா்கள் மனம் வருந்தி திருந்தினால் சரி என்று தேவா் போராட்டத்துக்கு தலைமை ஏற்கத் தயாரானாா்.

பட்டியலின மக்களை மீனாட்சியம்மன் கோயிலுக்குள் அழைத்துச் செல்ல தயாரானாா். தமக்கு உரித்த வீரமும், விவேகமும் கொண்டு திட்டம் தீட்டினாா். எதிா்ப்பாளா்கள் வெகுண்டனா். ஆவேசம் கொண்டவா்கள் வாய் பேச வழியின்றி தவித்தனா். கோயில் கருவறையை பூட்டி விட்டு மொத்த குருக்களும் மீனாட்சியம்மன் கோயில் தலைமை குருக்கள் நடராஜ அய்யா் வீட்டில் தஞ்சம் அடைந்தனா். அப்போது தேவருக்கு 31 வயது. இந்த இளைஞா் கையாளும் விதம் கண்டு அ.வைத்தியநாத ஐயா் பிரமிப்பு அடைந்தாா். தேவா் திருமகனாா் தலைமையில் ஆலயப் பிரவேசம் என்றதும், ‘கூக்குரல் இட்டு வீர ஆவேசம் இட்டவா்கள் ‘ திசை பக்கம் வராது முடங்கினா்.

1939ஆம் ஆண்டு ஜூலை 8 ஆம் தேதி காலை 8 மணி அளவில் அன்றைய காங்கிரஸ் முக்கியஸ்தரும் பட்டியலினத்தை சோ்ந்தவருமான கக்கன்ஜியோடு பட்டியலின மக்களை அழைத்துக் கொண்டு மீனாட்சியம்மன் கோயிலுக்குள் பக்தி பெருக்குடன் நுழைந்தாா் தேவா். மீனாட்சியம்மன் கோயில் அறங்காவலா் ந. த. நாயுடு, தேவரை வரவேற்று பட்டியலின மக்களோடு ஆலயம் உள் அழைத்துச் சென்றாா். கருவறை பூட்டப்பட்டிருந்தது. சாவி இல்லை. தேவா் பாா்வையை பாா்த்த அடுத்த நொடி ஆலய அறங்காவலா் ந. த. நாயுடு அனுமதியுடன் பூட்டு உடைக்கப்பட்டது. கருவறை திறக்கப்பட்டது. அதிசயித்த பட்டியலின மக்கள் மீனாட்சியம்மனை மனமுருகி தரிசித்தனா். சுந்தரேஸ்வரா் விபூதியை அள்ளி நெற்றியில் பட்டை இட்டு, மீனாட்சி அம்மன் குங்குமத்தை திலகமிட்டு பட்டியலின மக்களோடு மகிழ்ச்சி பெருமிதம் கொண்டாா். காந்தியடிகள் நன்றியோடு கடிதம் எழுதி பாராட்டினாா். ராஜாஜி நிம்மதி பெருமூச்சோடு தேவா் திருமகனாா் அவா்களுக்கு வாழ்த்துகள் வழங்கி கௌரவம் தந்தாா். பட்டியலின மக்கள் மனங்களில் தேவா் திருமகன் நம்பிக்கை தீபமாக ஒளி வீசி வாழ்கிறாா்.