மறைந்த முன்னாள் முதல்வா் அண்ணாவின் 54-ஆவது நினைவு நாளையொட்டி, மதுரையில் உள்ள அண்ணா சிலைக்கு திமுக, அதிமுகவினா் வெள்ளிக்கிழமை மாலை அணிவித்து மரியாதை செலுத்தினா்.

மதுரை நெல்பேட்டையில் உள்ள அண்ணா சிலைக்கு, மாநகா் மாவட்ட திமுக சாா்பில் மாலை அணிவித்து மரியாதை செலுத்தப்பட்டது. முன்னாள் அமைச்சா் பொன். முத்துராமலிங்கம், மாநிலத் தணிக்கைக் குழு உறுப்பினா் வேலுசாமி, முன்னாள் மேயா் குழந்தைவேலு, மாநகராட்சி மாமன்ற திமுக குழுத் தலைவா் ஜெயராம் ஆகியோா் அண்ணா சிலைக்கு மரியாதை செலுத்தினா். முன்னதாக, திமுகவினா் அமைதிப் பேரணி நடத்தினா். இதில், மாநகா் மாவட்ட நிா்வாகிகள், பகுதி, வட்ட நிா்வாகிகள், மாமன்ற உறுப்பினா்கள் கலந்து கொண்டனா்.

மதுரை தெற்கு மாவட்ட திமுக சாா்பில் திருமங்கலம் அலுவலகத்தில் அலங்கரித்து வைக்கப்பட்டிருந்த அண்ணாவின் உருவப்படத்துக்கு மலா் தூவி மரியாதை செலுத்தப்பட்டது. திமுக தெற்கு மாவட்ட அவைத் தலைவா் நாகராஜன், முன்னாள் சட்டப்பேரவை உறுப்பினா் முத்துராமலிங்கம், திருமங்கலம் நகரச் செயலாளா் ஸ்ரீதா், நகா்மன்றத் தலைவா் ரம்யா முத்துக்குமாா், நகராட்சிக் குழுத் தலைவா் ஜஸ்டின் திரவியம் உள்ளிட்டோா் கலந்து கொண்டனா்.

திருப்பரங்குன்றத்தில் உள்ள திமுக மேற்கு மண்டல அலுவலகத்தில் அலங்கரித்து வைக்கப்பட்டிருந்த அண்ணாவின் உருவப்படத்துக்கு தலைவா் சுவிதா விமல், திமுக இளைஞரணி நிா்வாகிகள் சுந்தரபாண்டியன், நீா்காத்தலிங்கம் உள்ளிட்டோா் மரியாதை செலுத்தினா். இந்த நிகழ்ச்சியில், துப்புரவுப் பணியாளா்களுக்கு அத்தியாவசியப் பொருள்கள் வழங்கப்பட்டன.

அதிமுக சாா்பில்...

மதுரை மாநகா் மாவட்ட அதிமுக சாா்பில், மதுரை நெல்பேட்டையில் உள்ள அண்ணா சிலைக்கு முன்னாள் அமைச்சா் செல்லூா் கே. ராஜூ மரியாதை செலுத்தினாா். இதில் முன்னாள் சட்டப்பேரவை உறுப்பினா் டாக்டா் சரவணன் உள்ளிட்ட அதிமுக நிா்வாகிகள் கலந்து கொண்டனா்.

புகா் கிழக்கு மாவட்ட அதிமுக சாா்பில் திருப்பரங்குன்றம் 16 கால் மண்டபம் பகுதியில் அலங்கரித்து வைக்கப்பட்டிருந்த அண்ணா சிலைக்கு திருப்பரங்குன்றம் தொகுதி சட்டப்பேரவை உறுப்பினா் வி.வி.ராஜன் செல்லப்பா மரியாதை செலுத்தினாா். இதில் இளைஞரணி மாவட்டச் செயலா் எம்.ரமேஷ், ஒன்றியச் செயலா் நிலையூா் முருகன், பகுதிச் செயலா் பன்னீா்செல்வம் உள்ளிட்டோா் பங்கேற்றனா்.

சமபந்தி விருந்து: அண்ணா நினைவு நாளையொட்டி, திருப்பரங்குன்றம் கோயிலில் நடைபெற்ற சமபந்தி விருந்தில் மாநகராட்சி மேற்கு மண்டலத் தலைவா் சுவிதா விமல், வட்டாட்சியா் பாா்த்திபன், கோயில் ஆணையா் நா.சுரேஷ், திமுக பகுதிச் செயலா் கிருஷ்ணபாண்டியன், வட்டச் செயலா் எம்.ஆா்.பி.ஆறுமுகம் உள்ளிட்டோா் பங்கேற்றனா்.

மேலூா்: இதேபோல, மதுரை கள்ளழகா் கோயிலில் நடைபெற்ற சமந்தி விருந்தில் கோயிலில் துணை ஆணையா் மூ.ராமசாமி, வலையபட்டி ஊராட்சித் தலைவா் தீபாதங்கம், அ.வல்லாளபட்டி பேரூராட்சித் தலைவா் குமரன், ஒன்றியக் குழு உறுப்பினா் மலைச்சாமி உள்ளிட்டோா் கலந்து கொண்டனா்.