சிவகங்கையில் செவ்வாய்க்கிழமை புதை சாக்கடைக் குழாய் இணைப்புப் பணியின் போது சுவா் இடிந்து விழுந்து, தொழிலாளிகள் 2 போ் பலத்த காயமடைந்தனா்.

சிவகங்கை நகராட்சிக்குள்பட்ட பகுதிகளில் புதை சாக்கடை குழாய் இணைப்புப் பணிகள் நடைபெற்று வருகின்றன. மதுரை விலக்குச் சாலை அருகே கல்பனா என்பவரது வீட்டிலிருந்து புதை சாக்கடை குழாய் இணைப்பு பணி நடைபெற்றது.

இந்தப் பணியில் வேம்பத்தூரைச் சோ்ந்த பெண் தொழிலாளி ஒச்சக்காளை, பனையூரைச் சோ்ந்த முத்து ஆகிய இருவரும் ஈடுபட்டிருந்தனா். அப்போது, அருகே இருந்த சேதமடைந்த சுவா் இடிந்து விழுந்தது. இடிபாடுகளுக்குள் ஒச்சக்காளை, முத்து ஆகிய இருவரும் சிக்கிக் கொண்டனா்.

இதுபற்றி தகவலறிந்து வந்த சிவகங்கை தீயணைப்பு வீரா்கள் ஒச்சக்காளையை உடனடியாக மீட்டனா். சுமாா் ஒரு மணி நேரம் போராட்டத்துக்குப் பின் முத்துவை வெளியேற்றினா். மீட்கப்பட்ட இருவரும் சிவகங்கை அரசு மருத்துவக் கல்லூரி மருத்துவமனையில் சிகிச்சை பெற்று வருகின்றனா். தீயணைப்பு வீரா்கள் குறித்த நேரத்துக்குள் வந்ததால் பாதிப்பு ஏதும் ஏற்படவில்லை. இதுகுறித்து சிவகங்கை நகா் போலீஸாா் விசாரித்து வருகின்றனா்.