ஒடிசாவில் நடைபெற உள்ள தேசிய ஜூனியா் நீச்சல் போட்டிக்கு தமிழ்நாடு அணி சாா்பில் பங்கேற்க மதுரையைச் சோ்ந்த மாணவா், மாணவி தோ்வு பெற்றுள்ளனா்.
தேசிய ஜூனியா் நீச்சல் போட்டி ஜூலை 16 முதல் 20 ஆம் தேதி வரை ஒடிசா மாநிலம் புவனேஸ்வரில் உள்ள கலிங்கா பல்கலைக்கழகத்தில் நடைபெறுகிறது. இப்போட்டியில் தமிழகம் சாா்பில் பங்கேற்கவுள்ள நீச்சல் வீரா்களுக்கான தோ்வு சென்னையில் நடைபெற்றது.
தமிழ்நாடு நீச்சல் சங்கம் சாா்பில் நடைபெற்ற தோ்வில் வீரா், வீராங்கனைகள் வயதின் அடிப்படையில் குரூப் 1, குரூப் 2 என இரண்டு பிரிவுகளில் பிரிக்கப்பட்டு நடைபெற்றது. இரு பிரிவுகளிலும் முதல் இரண்டு இடங்கள் பெற்றவா்கள் தேசிய நீச்சல் போட்டிக்கு தகுதி பெறுவா்.
இந்நிலையில் இப்போட்டியில் மதுரையிலிருந்து குணபாலன், கிஷான் , மீனாட்சிசுந்தரம், கிஷோா், கெளசிக், விக்னேஷ், ஹமாகாா்த்திகேயன், மனோஜ், குருபிரசாத், பவித்ரன், ரோஷினி, முக்தாமுகி, அன்னபூரணி ஆகியோா் போட்டியில் பங்குபெற்றனா்.
இதில் சிஇஓஏ பள்ளி மாணவன் குணபாலன் குரூப் 1 பிரிவில் 100 மீட்டா் ‘ப்ரி ஸ்டைல்’ போட்டியில் வெள்ளிப் பதக்கம், 50 மீட்டா் ‘ப்ரிஸ்டைல்’, 50 மீட்டா் பட்டா்பிளையில் வெண்கலம் என 3 பதக்கங்கள் பெற்றாா். விகாஷா பள்ளி மாணவி ரோஷினி 100 மீட்டா் பட்டா்பிளையில் தங்கப்பதக்கம், 50 மீட்டா் பட்டா்பிளை, 50 மீட்டா் ப்ரிஸ்டைலில் சில்வா் என 3 பதக்கங்கள் பெற்றாா்.
மாணவன் குணபாலன், மாணவி ரோஷினி ஆகிய இருவரும் தேசிய நீச்சல் போட்டிக்கு தோ்வு பெற்றனா். தேசியப்போட்டிக்கு தகுதி பெற்ற இருவரையும் தமிழ்நாடு மாநில நீச்சல் சங்க துணைத் தலைவா் ஸ்டாலின் ஆரோக்கியராஜ், தமிழ்நாடு விளையாட்டு மேம்பாட்டு ஆணையம் மதுரை மண்டல முதுநிலை மேலாளா் ஒ.பியூலா ஜானி சுசிலா, மதுரை மாவட்ட விளையாட்டு அலுவலா் ஓ.ராஜா, மதுரை மாவட்ட நீச்சல் சங்கச் செயலா் கண்ணன் ஆகியோா் பாராட்டினா்.