மதுரை அருகே டாஸ்மாக் விற்பனையாளரை அரிவாளால் வெட்டிக் கொள்ளையடிக்க முயன்ற முகமூடி கொள்ளையா்களை போலீஸாா் தேடி வருகின்றனா்.

மதுரை பழங்காநத்தம் சா்ச் தெருவைச் சோ்ந்தவா் பாண்டி (47). இவா், மதுரை ஒத்தக்கடை அருகே உள்ள சித்தாலங்குடி கிராமத்தில் டாஸ்மாக் விற்பனையாளராகப் பணிபுரிந்து வருகிறாா்.

இந்நிலையில் திங்கள்கிழமை இரவு டாஸ்மாக் கடையில் விற்பனை நேரம் முடிந்ததையடுத்து சக ஊழியா் அன்பு தா்மலிங்கத்துடன் இணைந்து கடையைப் பூட்டியுள்ளாா். அப்போது அங்கு முகமூடி அணிந்து அரிவாள், கத்தி உள்ளிட்ட ஆயுதங்களுடன் வந்த மூவா், பாண்டியின் தலையில் வெட்டி பணத்தை கொள்ளையடிக்க முயன்றுள்ளனா். அப்போது பாண்டி சப்தம் போட்டதால் அங்கிருந்து தப்பிச்சென்றனா். தாக்குதலில் பலத்த காயமடைந்த பாண்டி மதுரை அரசு மருத்துவமனையில் சோ்க்கப்பட்டாா். சம்பவம் தொடா்பான புகாரின்பேரில் ஒத்தக்கடை போலீஸாா் வழக்குப்பதிவு செய்து முகமூடி கொள்ளையா்களைத் தேடி வருகின்றனா்.