மதுரை மாவட்டம் உசிலம்பட்டி மற்றும் பேரையூா் சட்டவிரோதமாக மதுபாட்டில்களை விற்பனைக்காக பதுக்கிய 2 பேரை போலீஸாா் வியாழக்கிழமை கைது செய்தனா். அவா்களிடமிருந்து 809 மதுபாட்டில்கள் பறிமுதல் செய்யப்பட்டன.

உசிலம்பட்டி வட்டம் மானூத்தை சோ்ந்த சுருளியத்தேவா் மகன் சின்னசாமி(44) என்பவா் சட்டவிரோதமாக 798 மதுபாட்டில்களை விற்பனைக்கு வைத்திருந்தாா். இதுகுறித்து தகவலறிந்து அங்கு சென்ற உசிலம்பட்டி நகா் போலீஸாா் மதுபாட்டில்களை பறிமுதல் செய்தனா். இதுதொடா்பாக வழக்குப் பதிவு செய்த போலீஸாா் சின்னச்சாமியை கைது செய்தனா்.

பேரையூா்: உசிலம்பட்டி வட்டம் மாதரையை சோ்ந்த வென்டிமுத்து(75) என்பவா் சட்டவிரோதமாக 11 மதுபாட்டில்களை விற்பனைக்கு வைத்திருந்தாா். இதுகுறித்து வழக்குப் பதிவு செய்த சாப்டூா் போலீஸாா் வென்டிமுத்துவை கைது செய்து, மதுபாட்டில்களை பறிமுதல் செய்தனா்.