ஒட்டன்சத்திரத்தில் பேருந்துக்காகக் காத்திருந்த பெண்ணிடம் 14 பவுன் நகைகளை மா்ம நபா்கள் திருடிச் சென்றனா்.

கோவை இடையாா்பாளையத்தைச் சோ்ந்தவா் சகாயராஜன் (44). மளிகைக் கடை நடத்தி வருகிறாா். இவரது மனைவி அனிதா, தனது குழந்தைகளுடன் கடந்த ஞாயிற்றுக்கிழமை ஒட்டன்சத்திரத்தில் நடைபெற்ற உறவினா் வீட்டுத் திருமண வரவேற்பு நிகழ்ச்சியில் கலந்து கொண்டாா். பின்னா், அன்று மாலை அங்கிருந்து கோவை செல்ல ஒட்டன்சத்திரம் பேருந்து நிலையத்திற்கு வந்தாா். அப்போது, அனிதா தான் அணிந்திருந்த 14 பவுன் நகைகளைக் கழற்றி ஒரு பையில் வைத்துக் கொண்டு பேருந்துக்காகக் குழந்தைகளுடன் காத்திருந்தாா். அப்போது, அடையாளம் தெரியாத நபா்கள் நகைகள் வைத்திருந்த பையை திருடிச் சென்றது தெரியவந்தது.

இது குறித்து ஒட்டன்சத்திரம் போலீஸாா் வழக்குப் பதிவு செய்து விசாரண நடத்தி வருகின்றனா்.