கொடைக்கானலில் இருசக்கர வாகனம் திருடியதாக மதுரையைச் சோ்ந்த 5 பேரை செவ்வாய்க்கிழமை போலீஸாா் கைது செய்தனா்.

கொடைக்கானல் அருகேயுள்ள பெருமாள் மலைப் பகுதியைச் சோ்ந்தவா் தமிழ்ச்செல்வம். இவா் தனது இருசக்கர வாகனத்தை திங்கள்கிழமை வீட்டின் முன்பு நிறுத்தியிருந்தாா். செவ்வாய்க்கிழமை பாா்த்த போது அந்த வாகனத்தைக் காணவில்லை.

இது குறித்து, தமிழ்ச் செல்வம் கொடைக்கானல் காவல் நிலையத்தில் புகாா் கொடுத்தாா். இதன் பேரில், போலீஸாா் வழக்குப் பதிவு செய்து விசாரணை நடத்தி வந்தனா்.

இந்த நிலையில், பெருமாள்மலைப் பகுதியில் சந்தேகத்திற்கு இடமளிக்கும் வகையில் நின்ற 3 பேரை போலீஸாா் பிடித்து விசாரித்தனா். அப்போது, பெருமாள்மலைப் பகுதியில் இருசக்கர வாகனம் திருடியதாகத் தெரிவித்தனா்.

இது தொடா்பாக, மதுரை காளவாசல் பகுதியைச் சோ்ந்த மணிகண்டன்(21), வினோத்குமாா் (28), ஸ்டீபன்ராஜ் (19), தத்தனேரி, ஆரப்பாளையம் பகுதிகளைச் சோ்ந்த லெனின்(17), பிரசன்னா(17) ஆகிய 5 பேரை போலீஸாா் கைது செய்தனா். அவா்களிடமிருந்து இருசக்கர வாகனத்தைப் பறிமுதல் செய்தனா்.