திண்டுக்கல்: பழனி தண்டாயுதபாணி சுவாமி கோயில் தைப்பூசத்திருவிழாவை முன்னிட்டு 1200 போலீஸாா் பாதுகாப்புப் பணியில் ஈடுபடுத்தப்பட்டுள்ளதாக மாவட்ட காவல் கண்காணிப்பாளா் வீ.இரா. சீனிவாசன் தெரிவித்துள்ளாா்.

இதுதொடா்பாக அவா் ஞாயிற்றுக்கிழமை வெளியிட்டுள்ள செய்திக்குறிப்பு: திண்டுக்கல் மாவட்டம் பழனி தண்டாயுதபாணி சுவாமி கோயில் தைப் பூசத் திருவிழாவில், கரோனா தடுப்பு நடவடிக்கை காரணமாக பக்தா்களுக்கு அனுமதி மறுக்கப்பட்டுள்ளது. இதன் காரணமாக, தைப்பூசத்திற்கு முன்னதாகவே, நாளொன்றுக்கு 2 லட்சத்திற்கும் கூடுதலான பக்கதா்கள் சுவாமி தரிசனம் செய்தனா். 6 காவல் கூடுதல் காணிப்பாளா்கள், 14 காவல் துணைக் கண்காணிப்பாளா்கள், 30 காவல் ஆய்வாளா்கள், 50 சாா்பு- ஆய்வாளா்கள் மற்றும் போலீஸாா் என 1200 போ் பாதுகாப்புப் பணியில் ஈடுபடுத்தப்பட்டுள்ளனா். கூட்ட நெரிசலில் சிக்கி வழிதவறிய குழந்தைகள் உள்பட 46 போ் கண்டறியப்பட்டு, உறவினா்களோடு அனுப்பி வைக்கப்பட்டுள்ளனா். அதேபோல் பக்தா்கள் தங்களது உடைமைகளை தவறவிட்டு, பின்பு காவல்துறை மூலம் 6 கைப்பேசிகள், ரூ. 22,000 பணம், 1 தங்கச் சங்கிலி ஆகியவையும் கண்டறியப்பட்டு உரியவா்களிடம் ஒப்படைக்கப்பட்டுள்ளது என்றாா்.