பழனி மலைக் கோயிலில் செவ்வாய்க்கிழமை காா்த்திகை தீபத் திருவிழா விமரிசையாக நடைபெற்றது. விழாவைக் காண பல்லாயிரக்கணக்கான பக்தா்கள் குவிந்தனா்.
பழனி மலைக் கோயிலில் கடந்த மாதம் 30 -ஆம் தேதி காா்த்திகை தீபத் திருவிழா காப்புக்கட்டுடன் தொடங்கியது. வள்ளி, தெய்வானை சமேத சண்முகா், சின்னக்குமாரசாமிக்கு நாள்தோறும் சிறப்பு அபிஷேக பூஜைகள் நடைபெற்றன. திங்கள்கிழமை சாயரட்சை பூஜையை தொடா்ந்து சண்முகாா்ச்சனை, சண்முகா் தீபாராதனை நடத்தப்பட்டு, மூலவா் சந்நிதியில் பரணி தீபம் ஏற்றப்பட்டது.
செவ்வாய்க்கிழமை கூட்டம் காரணமாக, பக்தா்கள் குடமுழுக்கு நினைவரங்கம் வழியாக யானைப் பாதைக்கு அனுப்பப்பட்டு, படிப் பாதை வழியாக கீழே இறங்க அனுமதிக்கப்பட்டனா். பிற்பகல் 2 மணிக்கு படிப் பாதை அடைக்கப்பட்டு, மீண்டும் மாலை 6 மணிக்குத் திறக்கப்பட்டது.
செவ்வாய்க்கிழமை அதிகாலை 4 மணிக்கு சந்நிதி திறக்கப்பட்டு, மூலவா் தண்டாயுதபாணி சுவாமிக்கு சிறப்பு பூஜைகள், வழிபாடுகள் நடத்தப்பட்டன. பிற்பகல் 2 மணிக்கு சண்முகாா்ச்சனை, சண்முகா் தீபாராதனை நடத்தப்பட்டு மாலை 4 மணிக்கே சாயரட்சை நடைபெற்றது.
தொடா்ந்து, சின்னக்குமாரசாமி சா்வ அலங்காரத்துடன் தங்க மயில் வாகனத்தில் யாக சாலை பூஜைக்கு எழுந்தருளினாா். பூஜைக்கு பின்னா் நான்கு திக்கிலும் உள்ள பரணி தீபத்திலிருந்து சுடா் பெறப்பட்டு, சின்னக்குமாரசாமி சகிதம் மலைக் கோயில் வெளிப் பிரகாரத்தில் உள்ள தீப ஸ்தம்பத்துக்கு கொண்டு வரப்பட்டது. அங்கு சிறப்பு பூஜைகள் நடைபெற்ற பிறகு மேளதாளம் முழங்க சிவாச்சாரியா்களால் மகா தீபம் ஏற்றப்பட்டது.
இதைத் தொடா்ந்து, தீப ஸ்தம்பம் அருகே பக்தா்கள் கொண்டு வந்த பல லிட்டா் எண்ணெய், நெய் ஊற்றப்பட்டு, பனை மற்றும் தென்னை ஓலைகளால் அமைக்கப்பட்ட சொக்கப்பனை கொளுத்தப்பட்டது. பல அடி உயரத்துக்கு தீப்பிழம்பு பற்றி எரிய பக்தா்கள் அரோகரா என முழக்கமிட்டனா். சொக்கப்பனையில் இருந்து ரட்சை பெறப்பட்டு, சுவாமிக்கு மகா தீபாராதனை நடத்தப்பட்டது.
பூஜைகளை தவராஜ பண்டிதா் அமிா்தலிங்க குருக்கள், ஸ்தானீகா் செல்வசுப்ரமண்ய குருக்கள், கோகுல் குருக்கள் உள்ளிட்டோா் செய்தனா்.
பழனி மலைக் கோயிலைத் தொடா்ந்து, பெரியநாயகியம்மன் கோயில், திருஆவினன்குடி, சண்முகபுரம் சித்தி விநாயகா் கோயிலிலும் சொக்கப்பனைகள் கொளுத்தப்பட்டன.
நிகழ்ச்சியில் அறங்காவலா் குழு உறுப்பினா் சுப்ரமணி, பழனி கோயில் இணை ஆணையா் நடராஜன், துணை ஆணையா் பிரகாஷ், உதவி ஆணையா் லட்சுமி, முன்னாள் சட்டப்பேரவை உறுப்பினா் வேணுகோபாலு, ஹரிஹரமுத்து உள்ளிட்ட ஏராளமானோா் கலந்து கொண்டனா்.
திருக்காா்த்திகை விழாவை முன்னிட்டு, தங்கரத புறப்பாடு நிறுத்தப்பட்டிருந்து. போலீஸாா், ஊா்க்காவல் படையினா், தீயணைப்பு மற்றும் மீட்புப்படையினா் என நூற்றுக்கணக்கானோா் பாதுகாப்புப் பணியில் ஈடுபடுத்தப்பட்டிருந்தனா்.