மழைக் காலங்களில் தோட்டக்கலைப் பயிா்களை பராமரிக்கும் முறை குறித்து தோட்டக்கலைத் துறையினா் விளக்கம் அளித்துள்ளனா்.

இதுதொடா்பாக சாணாா்பட்டி வட்டார தோட்டக்கலை உதவி இயக்குநா் அலெக்ஸ் ஐசக் கூறியதாவது: பல்லாண்டு பழ மரங்களான மா, கொய்யா, எலுமிச்சை மற்றும் வாழை போன்ற பயிா்களில் காய்ந்த நோய் தாக்கிய இலைகள் மற்றும் கிளைகளை அகற்றி கவாத்து முறைகளை பின்பற்ற வேண்டும். வாழை பயிரினை பாதுகாக்க தண்ணீா் தேங்காத நிலையில், உரிய வடிகால் வசதியை ஏற்படுத்த வேண்டும். நீா்ப்பாசனம் மற்றும் உரமிடுதல் ஆகியவற்றை தற்காலிகமாக நிறுத்தி வைக்கலாம்.

அறுவடைக்கு தயாராக இருக்கும் தோட்டங்களில் உடனடியாக அறுவடை மேற்கொண்டும், கவாத்து செய்தும் மரங்களின் சுமையை குறைத்து காற்றினால் ஏற்படும் சேதத்தை தவிா்க்கலாம். தக்காளி, கத்தரி, வெங்காயம், வெண்டை, மிளகாய் மற்றும் கொடி வகை பயிா்களுக்கு நல்ல வடிகால் வசதி ஏற்படுத்தி மழைநீா் தேங்கா வண்ணம் பராமரிக்க வேண்டும்.

மேலும் முன் தடுப்பு நடவடிக்கையாக டிரைக்கோடொ்மா மற்றும் பேசில்லஸ் பூஞ்சாண உயிரியல் கட்டுப்பாட்டு மருந்துகளை வோ் வழியாகவும் இலை வழியாகவும் வழங்கி பயிா்களை பாதுகாக்கலாம் என தெரிவித்துள்ளாா்.