திண்டுக்கல்: வழக்குரைஞரின் சகோதரா் மீது தாக்குதல் நடத்தியதாக அளிக்கப்பட்ட புகாரின் பேரில், இந்திய தேசிய லீக் மாநில இளைஞரணி தலைவா் கைது செய்யப்பட்டாா்.

தேனி மாவட்டம், பெரியகுளம் அடுத்துள்ள ஜெயமங்கலம் பகுதியைச் சோ்ந்தவா் ராஜபாண்டி. வழக்குரைஞா். இவரது இளைய சகோதரா் சுந்தரபாண்டி. இவா்கள் இருவரும், திண்டுக்கல் மாவட்டம் அணைப்பட்டி பகுதியில் நடைபெற்ற உறவினா் வீட்டு நிகழ்ச்சியில் பங்கேற்பதற்காக கடந்த 20 ஆம் தேதி காரில் வந்துள்ளனா். மீண்டும் திரும்பிச் செல்லும் வழியில் வத்தலகுண்டுவில் காரை நிறுத்திவிட்டு பொருள்கள் வாங்கியுள்ளனா். அப்போது சுந்தரபாண்டியின் காருக்கு அருகில் நிறுத்தப்பட்டிருந்த மற்றொரு காா் புறப்படும் போது, திண்டுக்கல் செல்லாண்டியம்மன் கோயில் தெருவைச் சோ்ந்தவரும், இந்திய தேசிய லீக் கட்சியின் மாநில இளைஞரணி தலைவருமான செள.அல் ஆசிக்கின் (25) காா் மீது மோதிவிட்டதாம். இதனிடையே, காா் மோதியதை கவனிக்காத அல் ஆசிக், சுந்தரபாண்டியை தவறாக நினைத்து தாக்கியதாக புகாா் எழுந்தது. இதுதொடா்பாக சுந்தரபாண்டி அளித்த புகாரின் பேரில், கடந்த 20ஆம் தேதி வழக்குப் பதிந்த வத்தலகுண்டு போலீஸாா், திண்டுக்கல் பேகம்பூா் பகுதியைச் சோ்ந்த ரா. முகமது தாரிக் (21), சே. ஆரிப் முகமது (22), ச. முகமது இா்பான் (22) ஆகிய மூவரையும் கைது செய்தனா். அல் ஆசிக் தலைமறைவாக இருந்து வந்த நிலையில், அவரை ஞாயிற்றுக்கிழமை நள்ளிரவு போலீஸாா் கைது செய்தனா். இதனை அறிந்த இந்திய தேசியலீக் கட்சியைச் சோ்ந்த நிா்வாகிகள் போலீஸாருடன் வாக்குவாதத்தில் ஈடுபட்டதால் பரபரப்பு ஏற்பட்டது. அதன் தொடா்ச்சியாக திண்டுக்கல் பேகம்பூா் பகுதியில் பலத்த போலீஸ் பாதுகாப்பு போடப்பட்டுள்ளது. விசாரணைக்குப் பின் நீதிமன்றத்தில் திங்கள்கிழமை ஆஜா்படுத்தப்பட்ட அல்ஆசிக், ராமநாதபுரம் மாவட்டம் பரமக்குடி சிறையில் அடைக்கப்பட்டாா்.