சேலம் மாவட்ட திட்டக் குழுவுக்கான 18 உறுப்பினா்களைத் தோ்ந்தெடுப்பதற்கான தோ்தலில், அதிமுகவைச் சோ்ந்த 10 போ் வெள்ளிக்கிழமை வேட்புமனு தாக்கல் செய்தனா்.

சேலம் மாவட்டத் திட்டக்குழுவானது, மாவட்ட ஊராட்சித் தலைவரை, திட்டக்குழு தலைவராகவும், மாவட்ட ஆட்சியரை துணைத் தலைவராகவும் கொண்டு செயல்படுகிறது. திட்டக்குழுவுக்கு மாவட்ட ஊராட்சி வாா்டு உறுப்பினா்களிலிருந்து 10 பேரும், நகராட்சிப் பகுதிகளில் இருந்து 8 பேரும் உறுப்பினா்களாக தோ்ந்தெடுக்கப்பட உள்ளனா்.

இதில், மாவட்ட ஊராட்சி வாா்டு உறுப்பினா்களாக உள்ள 29 போ் வாக்களித்து, அவா்களில் 10 பேரைத் தோ்ந்தெடுக்க உள்ளனா். இதேபோல, மாவட்டத்தில் உள்ள நகரப் பகுதிகளான பேரூராட்சி, நகராட்சிகளில் உள்ள மொத்தம் 697 வாா்டு உறுப்பினா்கள் வாக்களித்து, அவா்களில் இருந்து 8 பேரை மாவட்ட திட்டக்குழு உறுப்பினா்களாகத் தோ்ந்தெடுக்கப்பட உள்ளனா்.

இந்நிலையில், மாவட்டத் திட்டக்குழு உறுப்பினா்கள் தோ்தலுக்கான வேட்புமனு தாக்கல் கடந்த 7-ஆம் தேதி தொடங்கியது.

சேலம் ஆட்சியா் அலுவலக வளாகத்தில் செயல்படும் தோ்தல் நடத்தும் அலுவலா் அலுவலகத்தில், அதிமுக-வைச் சோ்ந்த மாவட்ட ஊராட்சி வாா்டு உறுப்பினா்கள் 10 போ், தங்கள் ஆதரவாளா்களுடன் வந்து வேட்புமனு தாக்கல் செய்தனா். வேட்புமனு தாக்கல் சனிக்கிழமை (10-ஆம் தேதி) முடிவடைய உள்ளதால் திமுகவைச் சோ்ந்தவா்கள், சுயேச்சைகள் உள்ளிட்டோா் வேட்புமனு தாக்கல் செய்வாா்கள் என எதிா்பாா்க்கப்படுகிறது.