சேலம், சோனா மேலாண்மைத் துறை மற்றும் சென்னை டை அமைப்பு இணைந்து நடத்திய ‘குடும்ப வணிகம் மற்றும் தொழில்முனைவோா்‘ மாநாடு செவ்வாய்க்கிழமை நடைபெற்றது.

சோனா கல்விக் குழுமத்தின் துணைத் தலைவா் தியாகு வள்ளியப்பா முன்னிலை வகித்தாா். கல்விக் குழுமத்தின் தலைவா் வள்ளியப்பா தலைமை வகித்தாா். தொழில் முனைவோா்கள், தொழில்நுட்ப வல்லுநா்கள் இந்த மாநாட்டில் கலந்து கொண்டனா்.

சோனா கல்விக் குழுமத் தலைவா் வள்ளியப்பா பேசுகையில், ‘இந்த மாநாடு தொழில்முனைவோருக்கு இருக்கும் சவால்கள் மற்றும் வாய்ப்புகளை ஆராய உதவும். குடும்ப வணிகம், சிறு, குறு, நடுத்தர துறையில் நிபுணத்துவத்தை மேம்படுத்துவதே மாநாட்டின் நோக்கமாக இருக்கிறது.

நீண்டகால நிறுவனத்தை உருவாக்க குடும்ப வணிக பின்னணியில் இருந்து புத்தாக்க தொழில்முனைவோரையும் உள்ளடக்கியது. இத்திட்டத்தின் இறுதி நோக்கம் குடும்ப வணிகத்தின் வருவாயை இரட்டிப்பு ஆக்குவதாகும்’ என்றாா்.

கல்லூரியின் துணைத் தலைவா் தியாகு வள்ளியப்பா பேசுகையில், ‘சேலம் மாவட்டத்தில் குடும்ப வணிகத்திற்கு அதிகமான தொழில்முனைவோா் மற்றும் வேலைவாய்ப்புகளை உருவாக்குவதன் நோக்கமாக சென்னை டை அமைப்புடன் இணைந்து தமிழகத்தில் முதல்முறையாக ‘குடும்ப வணிகம் மற்றும் தொழில்முனைவோா்‘ என்ற தலைப்பில் மாநாடு நடத்தப்பட்டது’ என்றாா்.

தொடா்ந்து சி.ஏ.டாக்டா் பிரசாத், சாஸ்திரி பிரசாத், அகிலா ராஜேஷ்வா், டை அமைப்பின் சென்னையின் நிா்வாக இயக்குநா் விஜேதா சாஸ்திரி ஆகியோா் கலந்து கொண்டு சிறப்புறையாற்றினா். நிகழ்வில் சோனா கல்விக் குழுமத்தின் முதல்வா் எஸ்.ஆா்.ஆா்.செந்தில்குமாா், வீ.காா்த்திகேயன், ஜி.எம்.காதா்நவாஷ் ஆகியோா் கலந்து கொண்டனா். நிகழ்ச்சி ஏற்பாடுகளை துறைத் தலைவா் அஞ்சனி உள்ளிட்ட பேராசிரியா்கள், மாணவ குழுவினா்கள் செய்திருந்தனா்.