ஏற்காடு கோடைவிழா, மலா்க் கண்காட்சி புதன்கிழமை தொடங்கியது.

ஏற்காடு அண்ணா பூங்காவில் கோடை விழா மற்றும் மலா்க் காட்சியை வேளாண்மை துறை அமைச்சா் எம்.ஆா்.கே.பன்னீா்செல்வம் தொடக்கிவைத்தாா்.

நிகழ்ச்சியில் நகராட்சி நிா்வாகத் துறை அமைச்சா் கே.என்.நேரு, சுற்றுலாத் துறை அமைச்சா் மா.மதிவேந்தன், எம்.பி. கெளதம சிகாமணி, ஆட்சியா் செ.காா்மேகம், சேலம் வடக்குத் தொகுதி எம்எல்ஏ ஆா். ராஜேந்திரன், பாமக எம்எல்ஏக்கள் இரா.அருள், சதாசிவம், முன்னாள் அமைச்சா் டி.எம்.செல்வகணபதி உள்ளிட்டோா் பங்கேற்றனா். கோடை விழா, மலா்க் காட்சி புதன்கிழமை தொடங்கி ஜூன் 1-ஆம் தேதி வரை 8 நாள்கள் நடைபெறுகிறது.

பாா்வையாளா்களை ஈா்த்த மேட்டூா் அணை அலங்காரம்:

ஏற்காடு கோடை விழா, மலா்க் காட்சியில் மேட்டூா் அணை, மாட்டு வண்டி, பேருந்து, சின்சான், பட்டாம்பூச்சி, வள்ளுவா் கோட்டம், மஞ்சள் பை ஆகிய மாதிரிகள் மலா்களால் அலங்கரிக்கப்பட்டு பாா்வையாளா்களை வெகுவாகக் கவா்ந்தது.

இதில் மேட்டூா் அணை 75,000 ரோஜா பூக்களாலும், மாட்டு வண்டி 40,000 ரோஜா பூக்களாலும், பேருந்து 80,000 ரோஜா பூக்களாலும், சின்சான் 10,000 காா்னேஷன் மலா்களாலும், பட்டாம்பூச்சி 25,000 ஜொ்பரா மலா்களாலும், மஞ்சள் பை 5,000 சாமந்தி பூக்களாலும் வடிவமைக்கப்பட்டுள்ளன.

அதேபோல மாம்பழக் காட்சியும் வைக்கப்பட்டிருந்தது. இதில் 42 வகை மாம்பழங்கள் காட்சிப்படுத்தப்பட்டிருந்தன. காட்டெருமை, கப்பல் உருவங்கள் காய்கறிகளில் வடிவமைக்கப்பட்டுள்ளன. அதுபோல மறைந்த முதல்வா் கருணாநிதி, இளைஞரணி செயலாளா் உதயநிதி ஸ்டாலின் ஆகியோரின் உருவங்களும் காய்கறிகளில் வடிவமைக்கப்பட்டுள்ளன.

புகைப்பட கண்காட்சி:

செய்தி மக்கள் தொடா்புத் துறையின் சாா்பில் ‘ஓயா உழைப்பின் ஓராண்டு’ சாதனை விளக்க புகைப்பட கண்காட்சி அமைக்கப்பட உள்ளது.

கால்நடை பராமரிப்புத் துறை சாா்பில் செல்லப் பிராணிகள் (நாய்கள்) கண்காட்சி, ஒருங்கிணைந்த குழந்தைகள் வளா்ச்சி திட்டத்தின் சாா்பில் கொழுகொழு குழந்தைகள் போட்டி, பாரம்பரிய உணவுப் போட்டி, மகளிா் திட்டத்தின் சாா்பில் கோலப்போட்டி, சுற்றுலாத் துறை சாா்பில் பத்திரிகையாளா்களுக்கும் பயணிகளுக்கும் படகுப் போட்டிகள் நடத்தப்பட உள்ளன.

கலை நிகழ்ச்சி:

கலைப் பண்பாட்டுத் துறை உள்ளிட்ட துறைகளின் சாா்பில் பல்வேறு கலை நிகழ்ச்சிகள் நடத்தப்படவுள்ளன.

சுற்றுலாப் பயணிகளை மகிழ்விக்கும் வகையில் சா்வதேச திரைப்படங்கள், இன்னிசை நிகழ்ச்சிகள் மற்றும் வண்ணமிகு கலை நிகழ்ச்சிகள் நடத்தப்படவுள்ளன.

மேலும், இளைஞா்களுக்கான கால்பந்து, கைப்பந்து, கிரிக்கெட், கபடி, கயிறு இழுத்தல், மாரத்தான் உள்ளிட்ட விளையாட்டுப் போட்டிகளும் நடத்திட ஏற்பாடு செய்யப்பட்டுள்ளன.