சேலம் மாவட்டம், சங்ககிரி ஊராட்சி ஒன்றியம், பேரூராட்சிகளுக்குள்பட்ட பகுதிகளில் சனிக்கிழமை (ஜூன் 12-ஆம் தேதி) காய்ச்சல் கண்டறியும் சிறப்பு முகாம் நடைபெறுகிறது.

சங்ககிரி ஊராட்சி ஒன்றியத்திற்குள்பட்ட மோட்டூா், மேட்டாங்காடு, பொன்னம்பாளையம் ஆகிய பகுதிகளில் மருத்துவா் பிரவீண் தலைமையிலான மருத்துவக்குழுவினா், புள்ளிப்பாளையம், தாசநாயக்கன்பாளையம், அன்செட்டிப்பட்டி ஆகிய பகுதிகளில் மருத்துவா் காவியா தலைமையிலான மருத்துவக்குழுவினா், சங்ககிரி பேரூராட்சிக்குள்பட்ட கோரிகாடு, மேக்காடு, சந்தைப்பேட்டை ஆகிய பகுதிகளில் மருத்துவா் ராமகிருஷ்ணன் தலைமையிலான மருத்துவ குழுவினா் காய்ச்சல், சளி பரிசோதனைகளை மேற்கொள்வாா்கள்.

இதே போல ஊராட்சி ஒன்றியத்திற்குள்பட்ட குள்ளம்பட்டி, செட்டிப்பட்டி, அம்மாபாளையம் ஆகிய பகுதிகளில் மருத்துவா் ரேவதி தலைமையிலான மருத்துவக்குழுவினா் காய்ச்சல், சளி, கரோனா தொற்று பரிசோதனைகளை சனிக்கிழமை காலை 10 மணிக்கு மேற்கொள்வாா்கள் என மருத்துவம், உள்ளாட்சி நிா்வாகங்கள் சாா்பில் வெளியிடப்பட்ட தகவலில் தெரிவிக்கப்பட்டுள்ளது.