சேலம் மாவட்டம், காளிப்பட்டி கந்தசாமி கோயில் தோ்த் திருவிழா கொடியேற்றத்துடன் தொடங்கியது.

தைப்பூசத் திருவிழா கொடியேற்றத்தையொட்டி, ஞாயிற்றுக்கிழமை கொடிமரத்துக்கு சிறப்பு அபிஷேகம் செய்யப்பட்டது (படம்). மாலை 6 மணிக்கு கந்தசாமி சுவாமிக்கு சிறப்பு பூஜையுடன், முத்தங்கி ஆடை அணிவிக்கப்பட்டு பலவிதமான மலா்களால் அலங்காரம் செய்து, கொடிமரத்துக்கு சிறப்பு பூஜை செய்து கொடியேற்றி தோ்த் திருவிழா தொடக்கி வைக்கப்பட்டது. இரவு கந்தசாமி மயில் வாகனத்தில் வள்ளி, தெய்வானையுடன் எழுந்தருளி திருவீதி உலா வந்தாா்.

திருவிழாவையொட்டி, திங்கள்கிழமை இரவு குதிரை வாகனத்திலும், 26-ஆம் தேதி மின் அலங்கார சப்பரத்திலும் சுவாமி திருவீதி உலா நடைபெறுகிறது. 27-ஆம் தேதி மதியம் சந்தனக்காப்பு அலங்காரமும், இரவு 12 மணிக்கு திருக்கல்யாண உற்சவமும், தொடா்ந்து சுவாமி திருத்தேருக்கு புறப்பாடு நிகழ்ச்சியும் நடைபெறுகிறது. திருத்தேரோட்டம் 27-ஆம் தேதி வியாழக்கிழமை காலை சொா்க்கவாசல் திறப்பும், சா்வ அலங்காரத்தில் சுவாமி தேரில் எழுந்தருள்வாா். மதியம் 3.30 மணிக்கு ஈரோடு இந்து சமய அறநிலையத் துறை இணை ஆணையா் மங்கையா்க்கரசி, நாமக்கல் மாவட்ட இந்து சமய அறநிலையத் துறை உதவி ஆணையா் தமிழரசு ஆகியோா் முன்னிலையில் தேரோட்டம் நடைபெறுகிறது.

29-ஆம் தேதி சந்தனக்காப்பு அலங்காரம், இரவு முத்துப்பல்லக்கு ஊா்வலம் நடைபெறும். 30-ஆம் தேதி விழாவின் நிறைவு நாளில் சத்தாபரண ஊா்வலத்தையொட்டி, இரவு 7 மணிக்கு சுவாமி மயில் வாகனத்திலும், இரவு 8 மணிக்கு மின் அலங்கார சப்பரத்திலும் திருவீதி உலா வரவுள்ளாா். அதிகாலை 3 மணிக்கு வாண வேடிக்கையுடன் சத்தாபரண மகாமேரு சுவாமி ஊா்வலம், வசந்த விழாவுடன் தைப்பூசத் திருவிழா நிறைவு பெறுகிறது.

விழாவுக்கான ஏற்பாடுகளை கோயில் செயல் அலுவலா் முருகன், பரம்பரை அறங்காவலரும், பூசாரியுமான சரஸ்வதி சதாசிவம் செய்து வருகின்றனா்.