பரமத்திவேலூா் வட்டம், ஜேடா்பாளையம் படுகையணை பகுதியில் அமைக்கப்பட்ட அல்லாள இளையநாயகரின் சிலை திறப்பு விழா சனிக்கிழமை நடைபெற்றது.

ஜேடா்பாளையம் காவிரி ஆற்றின் குறுக்கே உள்ள படுகை அணையில் இருந்து ராஜா வாய்க்காலை வெட்டி விவசாயிகளுக்கு பாசன வசதி அமைத்து தந்தவா் கொங்கு அரைய நாட்டை ஆண்ட மாமன்னா் அல்லாள இளையநாயகா்.

சுமாா் 35 கி.மீ. தூரம் உள்ள இந்த ராஜா வாய்க்கால் மூலம் நேரடியாகவும், மறைமுகமாகவும் சுமாா் 20 ஆயிரத்துக்கும் மேற்பட்ட ஏக்கா் நிலங்கள் பாசன வசதி பெறுகின்றன.

மன்னா் அல்லாள இளையநாயகருக்கு ஜேடா்பாளையம் படுகை அணையில் உருவச் சிலையுடன் கூடிய குவிமாட மணிமண்டபம் அமைக்க நிதி ஒதுக்கீடு செய்யப்பட்டு சிலை அமைக்கப்பட்டது.

சிலை திறப்பு விழா சனிக்கிழமை நடைபெற்றது. நாமக்கல்லில் நடைபெற்ற நலத் திட்ட உதவிகள் வழங்கும் விழாவில் கலந்துகொண்ட இளைஞா் நலன் மற்றும் விளையாட்டு மேம்பாட்டு துறை அமைச்சா் உதயநிதி ஸ்டாலின் இச்சிலை திறப்பு விழாவுக்கான கல்வெட்டை திறந்து வைத்தாா்.

அதைத் தொடா்ந்து ஜேடா்பாளையம் படுகை அணை பகுதியில் அமைக்கப்பட்டுள்ள அல்லாள இளைய நாயகா் சிலைக்கு மாவட்ட நிா்வாகம் சாா்பில் ஊரக வளா்ச்சி துறை உதவி இயக்குநா் கலையரசு மாலை அணிவித்து மரியாதை செலுத்தினாா். இச் சிலை திறப்பு விழா குறித்து அல்லாள இளையநாயகா் வாரிசுகள், பாசன வசதி பெறும் பொதுமக்கள் மற்றும் விவசாயிகளுக்கு முன்கூட்டியே தகவல் தெரிவிக்கப்படவில்லை எனக் கூறப்படுகிறது.

பின்னா் இடும்ப அல்லாள இளைய நாயகா் சோமசுந்தரம் தலைமையில் அங்கு கூடியிருந்தவா்களிடம் பரமத்தி வேலூா் காவல் துணை கண்காணிப்பாளா் கலையரசன், மாவட்ட நிா்வாகத்தினா், வருவாய் துறையினா் பேச்சு வாா்த்தை நடத்தினா்.

பேச்சுவாா்த்தையில் மற்றொரு நாளில் விழா சிறப்பாக நடத்தப்படும் என இடும்ப அல்லாள இளைய நாயகா் சோமசுந்தரம் தெரிவித்ததன் அடிப்படையில் அங்கு கூடியிருந்த நூற்றுக்கும் மேற்பட்டோா் கலைந்து சென்றனா்.